Memleket basshysy kezdesý barysynda ekijaqty yntymaqtastyq aıasyn keńeıtip, baýyrlastyqqa negizdelgen qarym-qatynasty odan ári nyǵaıtý qajettigi jóninde aıtty.
– Qazir Qyrǵyzstan el Prezıdentin saılaý naýqany aldynda tur. Bul – kez-kelgen memleket úshin asa mańyzdy kezeń. Men Qyrǵyzstannyń táýelsizdik alǵannan bergi barlyq prezıdentterimen jemisti jumys jasaýǵa tyrystym. Qyrǵyz halqy senim bildirip, jańadan saılaıtyn kelesi prezıdentpen de ózara tıimdi is-qımyl qalyptastyratyn bolamyz, – dedi Nursultan Nazarbaev.
Memleket basshysy Qazaqstan men Qyrǵyzstan halyqtarynyń arasyndaǵy birlik pen dostyqtyń mańyzdylyǵyna nazar aýdardy.
– Aramyzda bóliske túsetin eshteńe joq. Biz baýyrlas qyrǵyz halqyna árdaıym qoldaý kórsetip kelemiz jáne oǵan aldaǵy ýaqytta da kómek berýge ázirmiz. Bul – kólik-tranzıt salasyndaǵy yntymaqtastyq pen Eýrazııalyq ekonomıkalyq odaq aıasyndaǵy ózara yqpaldastyqqa qatysty másele, – dedi Qazaqstan Prezıdenti.
О́.Babanov qyrǵyz halqy Nursultan Nazarbaevtyń bitimgerlik jolyndaǵy kúsh-jigerin joǵary baǵalap, ony qoldaıtynyn atap ótti.
– Men Qyrǵyzstannyń Premer-Mınıstri qyzmetinde bolǵan kezde elderińiz bizge turaqty túrde jan-jaqty qoldaý kórsetti. Biz baýyrlas Qazaqstan halqynyń barlyq jetistikterine qýanamyz, – dedi Qyrǵyz Respýblıkasynyń Prezıdenttigine kandıdat.
