Oraldyq kásipker Serjan Idııatovtyń «naǵyz ushaqty balalardyń demalys ornyna aınaldyrsam» degen oıyn Oral qalalyq ákimdigi birden qoldaǵan. Sóıtip, balalar saıabaǵy janynan kásipkerge 40 sotyq jer berildi. Mine, ótken senbide Aqtóbe qalasynan ushaq ta jetkizildi. Tasymalǵa ońaı bolýy úshin onyń qanattary men quıryǵyn bólip alýǵa týra kelgen. Jańa ornyna «qonǵan» ushaqty aqtóbelik mamandar qalpyna keltiretin bolady. Ushaqtyń 35 oryndyq salony qaıta jabdyqtalyp, 20 adamdyq shaǵyn zalǵa aınalady. Buǵan qosa balalar ushqysh-pılottyń kabınasyna kirip, shtýrvaldy ustap kórip, sýretke túse alady.
– Ushaq-kafeniń janynan «Nur-Álem» sferasynyń shaǵyn kóshirmesin jasamaqpyz. Bul jumystyń bárin keler jyly tııanaqtap, 1 maýsym – dúnıejúzilik balalardy qorǵaý kúni alǵashqy qonaqtarymyzdy qabyldaımyz, - deıdi Serjan Idııatov.
Qazbek QUTTYMURATULY
«Egemen Qazaqstan»
