Osy arqyly elimiz qazirgi zamanǵy tehnologııalyq ortaǵa, kommýnıkasııaǵa, sondaı-aq ǵylym jáne bilim berý prosesine tereńirek kirige túsedi.
Memleket bul iske barynsha baıyptylyqpen, dáıektilikpen jáne daıyndyqpen kirisýde. Endi, mine, qazaq álipbıiniń latyn grafıkasyndaǵy jobasyn jalpyhalyqtyq talqylaý bastaldy. Qazaqtyń jańa jazýynyń synshysy da, tilekshisi de, tóreshisi de halyq bolmaq. Demek álipbıdiń aqyrǵy nusqasynyń qandaı bolatyny da barsha qazaqstandyqtarǵa baılanysty bolýy tıis.
Bul bastama bólinip-jarylýǵa emes, eskiden arylýǵa, sananyń jańǵyrýyna, memlekettik tildiń jańasha damýyna bastaıdy. Táýelsiz qazaq eliniń azamattaryna áldeneni syrttan tańýǵa eshkimniń haqysy joq. Bul – bizdiń, Qazaqstannyń táýelsiz, órkenıettik tańdaýy. Bul tańdaýda da barsha qazaqstandyqtardyń kezekti ret yrys pen izgilikke ushtasar biraýyzdylyq tanytaryna senim bildiremiz.
Aýǵan soǵysy ardagerleri uıymdary
«Qazaqstan ardagerleri» qaýymdastyǵynyń tóraǵasy
Baqytbek Smaǵul
