Mınıstr mańyzdy suraqtarǵa jaýap berip, ózekti jańalyqtarǵa toqtaldy. Baǵdarlama barysynda AQSh prezıdenti Donald Tramptyń QR prezıdenti Nursultan Nazarbaevqa qońyraý shalýy sóz boldy.
Dáýren Abaevtyń paıymdaýynsha, memleket basshylarynyń telefonmen sóılesýi kózbe-kóz tildesýmen teń.
«Bundaı sharany eki eldiń syrtqy saıası vedomstvolary aldyn-ala uıymdastyrady, prezıdentterdiń jumys grafıkterine engizedi. Astana men Vashıngton arasyndaǵy 12 saǵattyq aıyrmashylyqty eskergenimiz jón. Eki prezıdenttiń ýaqytyna telefonmen sóılesýdi yńǵaıly etip kelistirý úlken jumysty qajet etedi. Taǵy bir mańyzdy jaıt, qońyraý Amerıka tarapynan kelip tústi. Bul qońyraý EKSPO-ǵa kelip ketken amerıkalyq delegasııadan keıin boldy. Iаǵnı, Astana týraly jaǵymdy áser alǵan delegasııanyń arqasynda AQSh prezıdenti qońyraý shalýǵa nıet bildirdi. Barlyq áreketter bir-birimen tyǵyz baılanysty. Sonymen qatar, Elbasymyzdyń AQSh-qa resmı saparmen kelýge shaqyrý alýy da jaqsy belgi dep oılaımyn,» dedi Abaev.
Esterińizge sala keteıik, baǵdarlama barysynda mınıstr «Sıfrlyq Qazaqstan» baǵdarlamasynyń jumysyna toqtalyp, Astanada ótken Islam Yntymaqtastyq Uıymy sammıtiniń mańyzdylyǵy týraly aıtyp berdi.
