Senatorlar Qazaqstan men Serbııa arasyndaǵy qylmystyq ister boıynsha quqyqtyq kómek kórsetý týraly ekijaqty shartty ratıfıkasııalaý týraly máseleni talqylady. Qujat eki memleket arasyndaǵy qylmystyq ister boıynsha quqyqtyq kómekti iske asyrýdyń uıymdastyrý-quqyqtyq tetikterin egjeı-tegeıli retteıdi. Immýnıtet, bank esep-shottary men qarjy-qarajat aqparatyn aıqyndaý, zattar men qujattardy qaıtarý, aqparattardy, shyǵystardy erikti túrde berý, sottalǵandyǵy týraly aqparat almasý, qujattar men materıaldardy zańdastyrýdan bosatý máselelerine jekelegen erejeler arnalyp otyr.
Qaraýǵa usynylǵan Qazaqstan men Serbııa arasyndaǵy adamdardy ustap berý týraly shart qylmystyq izdestirýden jasyrynyp júrgen, sondaı-aq jazadan jaltaryp júrgen adamdardy ustap berý máseleleri boıynsha eki eldiń quzyretti organdary arasyndaǵy yntymaqtastyqtyń quqyqtyq negizderin retteıdi.
Komıtet otyrysynda, sondaı-aq sottalǵan adamdardy berý týraly ekijaqty shart ta usynyldy. Qujat sottalǵan adamdardy ońaltýǵa jáne áleýmettik ortaǵa qaıta oralýǵa járdemdesý maqsatynda olardy berý salasyndaǵy yntymaqtastyqty ornatýǵa, sondaı-aq, sottalǵan adamdarǵa óziniń elinde jazasyn óteýge múmkindik jasaýǵa baǵyttalǵan.
Zań jobasy palatanyń qaraýyna jiberildi.
