Kásipqoı boks • 22 Qyrkúıek, 2017

Golovkın taǵy bir basylymnyń reıtınginde birinshi orynǵa kóterildi

225 ret

kórsetildi

1 mın

oqý úshin

World Boxing News basylymy salmaq dárejelerine qaramastan (P4P) úzdik boksshylardyń tizimin jarııalady. Bul reıtıngide WBC, WBA (Super), IBF jáne IBO nusqalary boıynsha álem chempıony Gennadıı Golovkın (37-0-1, 33 KO) birinshi orynǵa jaıǵasty.

Egemen Qazaqstan

Golovkın taǵy bir basylymnyń reıtınginde birinshi orynǵa kóterildi

Bul amerıkalyq Andre Ýordtyń (32-0, 16 KO) karerasyn aıaqtaǵannan keıin bolyp otyr. Ol reseılik Sergeı Kovalevti (30-2-1, 26 KO) jeńip, jartylaı aýyr salmaqta WBA, WBO jáne IBF belbeýlerine ıelik etkennen keıin WBN reıtınginde kósh bastaǵan bolatyn.

WBN nusqasy boıynsha P4P reıtınginiń TOP-10 tizimi:

1. Gennadıı Golovkın (37-0-1, 33 KO; Qazaqstan) – orta;

2. Terens Kroýford (32-0, 23 KO; AQSh) – birinshi jartylaı orta;

3. Vasılıı Lomachenko (9-1, 7 KO; Ýkraına) – ekinshi jartylaı jeńil;

4. Saýl Alvares (49-1-2, 34 KO; Meksıka) – orta;

5. Maıkı Garsııa (37-0, 33 KO; AQSh) – jeńil;

6. Gılermo Rıgondo (17-0, 11 KO; Kýba) – ekinshi asa jeńil;

7. Mıgel Kotto (41-5, 23 KO; Pýerto-Rıko) – birinshi orta;

8. Naoıa Inoýe (14-0, 12 KO; Japonııa) – ekinshi asa jeńil;

9. Kıt Týrman (28-0, 22 KO; AQSh) – jartylaı orta;

10. Horhe Lınares (42-3, 27 KO; Venesýela) - jeńil.

Golovkın osyǵan deıin ESPN nusqasy boıynsha P4P reıtıngine ıelik etken bolatyn. Aldaǵy ýaqytta otandasymyz bedeldi The Ring jýrnalynda da kósh bastaıdy dep kútilip otyr.