«Almaty qalasyna azamattyq belsendilik mádenıetin taratý» atty «BizAlmatymyz» jobasynyń birinshi forýmy memleket, bıznes, shyǵarmashylyq jáne áleýmettik sektor ókilderi úshin azamattyq belsendiligtiń eń tıimdi joldaryn talqylaý múmkindigin beretin dıalog alańyna aınaldy. Forým barysynda qatysýshylar Almatynyń 2020 jylǵa deıingi damý baǵdarlamasynda azamattyq belsendiligtiń orny, sonymen qatar qala ákimshiligi men azamattar arasynda tyǵyz baılanysty ornatýdyń múmkindikteri jáne qalany damytýǵa qoǵamdy tartý boıynsha biryńǵaı platforma qurylý perspektıvalary týraly maǵulmat aldy.
Sondaı-aq, Forýmda Ulybrıtanııanyń úlgisi negizinde qala ómirine azamattardy tartýdyń tabysty keısteri usynyldy. Keıt Dempster, Brıtandyq Keńestiń azamattyq koǵam jáne basqarý suraqtary boıynsha aǵa keńesshisi, azamattyq tartýdyń ómir sapasyna, qoǵamdaǵy oń ózgeristerge , mádenıet deńgeıin arttyrýyna qandaı áser etetini týraly sholý jasady. Djakı Roberts, Shoreditch Trust qaıyrymdylyq qorynyń atqarýshy dırektory, qalalardyń damýyna úles qosý úshin qala turǵyndarynyń qandaı jaýapkershilik pen rólderdi atqarý kerektigi týraly baıandady.
Forým sheńberinde Almaty qalasyn ómirine azamattardy belsendi tartý boıynsha jobalar men bastamalar jármeńkesi ótti. Forýmnyń sońynda qatysýshylar Almaty qalasyn azamattyq tartý mádenıetin taratý úshin úsh baǵyt boıynsha usynystar jasady: azamattyq belsendilikti arttyrý, Almaty qalasynda áleýmettik kásipkerlik qoldaý jáne Almatyny yńǵaıly qala retinde damytý. Birinshi forýmnyń talqylaý nátıjeleri «BizAlmatymyz» jobasynyń sheńberinde ótkiziletin kelesi forýmdar men is-sharalardyń taqyryptaryn damytýyna negiz bolady.
«BizAlmatymyz» jobasy 2017 jyldyń sáýir aıynda Almaty qalasyn "aqyldy", jumys pen ómirge yńǵaıly qala retinde damytý maqsatymen iske asyrylǵan. Úsh jylǵa sozylatyn joba qoǵamdyq uıymdar men jergilikti bılik organdarynyń Almaty qalasynyń ekonomıkasyn damytýǵa azamattardy tartýǵa jáne áleýmettik kásipkerlikti qoldaýǵa qajetti mashyqtary men múmkindikteri bolýy úshin olardyń áleýetin arttyrýǵa yqpaldasatyn bolady.
