Syr óńiri osymen tórtinshi ret jármeńke ótkizip otyr. Bul joly da olar jemis-jıdek, kókónis túrlerin, balyq, et, kúrish, sút ónimderin ákelip, elordalyqtardy jarylqap tastady. Ásirese, Syrdyń ataqty aq kúrishi men tátti qaýyn-qarbyzyn jurtshylyq qap-qabymen áketip jatty.
Qyzylorda oblystyq Aýyl sharýashylyǵy basqarmasynyń azyq-túlik qaýipsizdigin qamtamasyz etý bóliminiń basshysy Erhan Aǵybaıdyń aıtýynsha, jármeńkege barlyǵy 270 tonna aýyl sharýashylyǵy ónimderi ákelingen. Atap aıtqanda, kúrish – 75 tonna, jylqy eti – 7 tonna, sıyr eti – 7 tonna, sút ónimderi – 3,5 tonna, qymyz – 1,25 tonna, shubat – 1,25 tonna, ara baly - 0,2 tonna, balyq – 6 tonna, konfet – 0,5 tonna, kókónis, qııar, qyzanaq – 20 tonna, alma, almurt, órik, banan – 6 tonna, kartop – 6 tonna, sábiz – 3 tonna, qyryqqabat - 15 tonna, sók, talqan – 1,5 tonna, as tuzy – 5 tonna, qaýyn – 60 tonna, qarbyz – 40 tonna, taǵy basqa da ónim túri usynyldy.
Qymbat TOQTAMURAT,
«Egemen Qazaqstan»
