«Probasııalyq baqylaýda turǵandarǵa qatysty elektrondy monıtorıngti engizý men paıdalaný sharalary eskerilgen. Bul turǵyda «elektrondy bilezikterdi» engizý qarastyrylǵan. Osy qurylǵynyń kómegimen baqylaýda jyl saıyn 6 myń adam bolady», dedi mınıstr bas bostandyǵynan aıyrý oryndarynan bosatylǵan jáne probasııa qyzmetinde esepte turǵan azamattardy áleýmettik ońaltýdyń 2017-2019 jyldarǵa arnalǵan keshendi strategııasyn iske asyrý taqyrybyndaǵy Úkimet saǵatynda.
Onyń sózine qaraǵanda, jazaǵa tartylǵan adamdardyń bekitilgen rejimdi buzýǵa baǵyttalǵan kez kelgen talpynysy jedel túrde qyzmetkerler tarapynan aıqyndalatyn bolady.
«Mınıstrlik daıarlaǵan joba qazirgi kezde múddeli memlekettik organdarmen kelisilip jatyr. Aldaǵy jyldan bastap memlekettik-jekemenshik seriktestik aıasynda jobany júzege asyrýǵa kirispekpiz», dedi Qasymov.
