Ázerbaıjannan kelgen ókil Hafız Djabbarovtyń aıtýynsha, mundaı ortaq oqýlyq túrki jastaryn jaqyndastyra túsedi. Sonymen qatar ol óskeleń urpaq arasyndaǵy sabaqtastyq qanat jaıatynyna senimin bildirdi. «Eń áýeli alqaly jıyndy uıymdastyrǵan Túrki akademııasyna alǵys aıtamyn. Ortaq tarıh oqýlyǵy jobasy arqyly ata-baba tarıhyn urpaqqa jalǵastyramyz. Bul kitap arqasynda keıingi býyn ózara ekonomıkalyq, mádenı qarym-qatynasyn odan ári baılanystyra túsedi. Jahandaný dáýirinde túrki jastarynyń yntymaqtastyǵy keńeıe túsedi dep úmittenemin», ‒ degen Ǵazız Djabbarov sarapshylar men uıymdastyrýshylarǵa alǵysyn aıtty.
Erjıes ýnıversıtetiniń professory Jevdet Kyrpyktyń sózine súıensek, túrki memleketteriniń yntymaqtastyǵy aldaǵy ýaqytta da jalǵasa beredi. Mundaı tarıhı sátke yrzalyǵyn bildirgen J.Kyrpyk jańa oqýlyq jastardy jaqyndastyratynyn tilge tıek etti. «Prezıdent Nursultan Nazarbaevtyń bastamasymen qolǵa alynǵan bul joba meni qatty tebirentti. Túbi bir túrki halyqtaryna ortaq kitap jazylǵanyna óte qýanyshtymyn. Bir kezderi túrki dáýiri degen zaman bolǵan. Aldaǵy ýaqytta túrki ǵasyry bolatynyna senimdimin. Ortaq túrki tarıhynyń jazylýynyń tıimdiligin sózben aıtyp jetkizý múmkin emes. Osyndaı bastama arqyly jastar bir-birin jaqyn tanı túsip, qýanyshy men qaıǵysyn bólisedi degen senim zor. Bul jobaǵa qatysqandarǵa alǵysym sheksiz. Olardyń eńbegi bosqa ketpeıtini anyq. Mundaı jobalar basqa salalarda jalǵasatynyna senim mol», ‒ dep atap ótti J. Kyrpyk.
Abaı Asankeldiuly,
"Egemen Qazaqstan"
