О́zbekstan basshysymen kezdesý barysynda Q.Toqaev Ortalyq Azııadaǵy jáne odan syrt jerlerde qaýipsizdik pen turaqtylyqty qamtamasyz etýde Qazaqstan men О́zbekstan baılanystarynyń erekshe rólin atap ótti.
Senat Tóraǵasy Qazaqstan men О́zbekstannyń jan-jaqty baılanystarynyń qazirgi damý qarqynyna joǵary baǵa berdi.
«Qazaqstan Prezıdenti N.Nazarbaevtyń taıaýdaǵy memlekettik sapary aıasynda qujattardyń aýqymdy toptamasyna qol qoıyldy, ekijaqty qatynastardyń jańa sapalyq deńgeıi aıqyndaldy», - dep atap ótti Senat basshysy. Q.Toqaev joǵary deńgeıdegi kezdesýlerdiń eki el halyqtarynyń ǵasyrlar boıǵy dostyǵy men yntymaqtastyǵyn nyǵaıta túsetinin aıtty. Senat basshysy sol eldegi qazaq azamattardyń rýhanı muqtajdaryna laıyqty nazar aýdarylyp otyrǵanyna rızashylyq bildirdi. Tek qazaq tilinde bilim beretin 164 mekteptiń bolýy onyń naqty kórsetkishi ekeni aıtyldy.
Q.Toqaevtyń pikirinshe, eki el parlamentshileriniń prezıdentterdiń, atap aıtqanda, Aral aıdynyndaǵy sý resýrstaryn birlese otyryp tıimdi paıdalanýǵa qatysty bastamalaryn iske asyrý boıynsha jumys isteý múmkindigi bar.
Qazaqstan Parlamenti joǵarǵy Palatasynyń basshysy «Qazaqstan-2050» jańǵyrý strategııasyn, «100 naqty qadam» Ult jospary men «Rýhanı jańǵyrý» jáne Qazaqstandy sıfrlandyrý baǵdarlamalaryn iske asyrý barysy týraly Sh.Mırzııoevti habardar etti.
Qazaqstan Senatynyń basshysy О́zbekstan Olıı Májilisi Senatynyń Tóraǵasy Nıgmatılla Iýldashevpen jáne Olıı Májilisi Zańnama palatasynyń Tóraǵasy Nýrdınjon Ismoılovpen de kezdesti. Parlamentaralyq únqatysýdy damytý men zań shyǵarý jumystary salasyndaǵy yntymaqtastyq ózbek áriptestermen kezdesý taqyryby boldy. Ekijaqty negizde de, parlamentaralyq uıymdar aıasynda da parlamentaralyq baılanystardy údetý týraly kelisimderge qol jetkizildi.
