Osylaısha olar «Qazaqstannyń qasıetti rýhanı qundylyqtary» nemese «Qazaqstannyń kıeli jerleriniń geografııasy» jobasyna óz úlesin qosyp, saıahattaýshylar qataryn kóbeıte otyryp zamandastaryn Uly Dala tarıhynyń mol muralarymen tanystyrýdy maqsat etip otyr. Bul oraıda kolledj basshylyǵy saıahat marshrýtyn keńeıtip, stýdentterdiń Ulytaý tórindegi jádigerler keshenin, Tarazdyń ejelgi eskertkishterin, taǵy basqa jerlerdi tamashalaýyna múmkindik jasamaq.
– Elbasy N.Nazarbaev «Bolashaqqa baǵdar: rýhanı jańǵyrý» maqalasynda «Týǵan jer» baǵdarlamasyn qolǵa alýdy usynǵan bolatyn. Elbasy bul oıyn týǵan jerge, onyń mádenıeti men salt-dástúrlerine aıryqsha ińkárlikpen atsalysý – shynaıy patrıotızmniń mańyzdy kórinisteriniń biri retinde qarastyrady. Bul aýqymdy shara kópshiliktiń kóńilinen shyǵyp, mańyzy zor usynysqa barynsha qoldaý jasalynýda. Shyndyǵynda da ata-babalarymyz bilektiń kúshimen, naızanyń ushymen qorǵap, keleshek urpaqqa mıras etip qaldyrǵan amanatyna ıe bolý búgingi urpaqtyń paryzy. Memleket basshysynyń ıgi bastamalaryn qoldaý arqyly biz keler urpaqtyń júretin jolyn, baǵyt-baǵdaryn aıqyndaımyz, sol arqyly ata-babalar murasyn amanat etip qaldyrýǵa óz úlesimizdi qosamyz dep sanaımyn, – deıdi Túrkistan medısına kolledjiniń dırektory Ǵalymjan Bımýrzaev.
Sondaı-aq kolledj ustazdary qasıetti jerlerdiń topyraǵyn basyp, kóne jádigerler tarıhymen jaqyn tanysyp, babalar rýhynan tálim alǵan jastardyń Otanǵa degen mahabbaty sheksiz bolady dep esepteıdi. Kóne jádigerlerdi kózben kórý jastardyń rýhyn kóteretinine senimdi.
Ǵalymjan ELShIBAI,
«Egemen Qazaqstan»
