Bul usynys Batys Qazaqstan oblystyq máslıhatynyń kezekten tys XIII sessııasynda qaralyp, ony máslıhat depýtattary biraýyzdan qoldady.
«Qurmet» jáne «Parasat» ordenderimen marapattalǵan Nurlan Noǵaev 2007-2016 jyldary Batys Qazaqstan oblysy ákiminiń birinshi orynbasary, Batys Qazaqstan oblysynyń ákimi qyzmetterin atqarǵan, 2016 jyldyń naýryzynan beri Atyraý oblysynyń ákimi.
Aıta ketelik, máslıhattyń osy sessııasynda “Batys Qazaqstan oblysynyń qurmetti azamaty” ataǵy UOS ardageri «II dárejeli Uly Otan soǵysy», «Eńbek qyzyl tý», «Qurmet belgisi», «Qurmet» ordenderimen qatar «Batyrlyǵy úshin», «Germanııany jeńgeni úshin», «Stalıngradty qorǵaǵany úshin» medaldarynyń ıegeri Muhtar Ájiǵulovqa, alashqa tanymal aqyn Aqushtap Baqtygereevaǵa, belgili qazaq alpınısi, QR alpınıster quramynyń kapıtany, «Qurmet» ordeniniń ıegeri Maqsot Jumaevqa da berilsin degen sheshim qabyldandy.
