Ásker qataryna qabyldanǵan jastar endi Desanttyq shabýyldaýshy brıgadasy quramynda qyzmet atqarady.
Saltanatty jıynǵa áskerı mektep tárbıelenýshileri, áskerı-patrıottyq klýbtardyń músheleri, jaýyngerlerdiń ata-analary, oblys ákimdiginiń ókilderi qatysty. Qapshaǵaıdaǵy áskerı bólimniń №35-shi gvardııalyq desanttyq shabýyldaýshy brıgadasy shtab bastyǵynyń orynbasary, gvardııa maıory Nurǵalı Asqarovtyń aıtýynsha, brıgada quramyna bul shaqyrýshylar qatań talappen tańdalyp alynǵan. Ekibastuzdyq Ramazan Serikuly áýe desanty quramynda qyzmet etýdi bala kúninen armandapty.
Endi ol elıtalyq ásker quramynda. Sonymen birge, Aqtaýdaǵy №25744 jáne Gvardeısk kentiniń №75263 áskerı bólimderine 100 shaqyrylýshy attandy. Oblystyq qorǵanys isteri jónindegi departamentiniń ásker qataryna shaqyrý bóliminiń málimetinshe, shaqyrylýshylardyń arasynda áskerı-tehnıkalyq mektebiniń úsh aılyq kýrsyn bitirgender de bar. Elimizde qazir qarasha aıynda deıin kúzgi áskerge shaqyrý sharasy júrgizilýde.
Farıda Byqaı,
«Egemen Qazaqstan»
Pavlodar
