Ataqty jazýshy Aqmola óńiriniń týmasy. Jaqynda Atbasar qalasyndaǵy qalamgerdiń týyp-ósken úıine jańǵyrtý jumystary júrgizildi. Qaıyrymdylyq sharasyna balabaqsha men mektep qyzmetkerleri qatysty.
Ultyn ulyqtaǵan tulǵany dáripteý biz úshin úlken mártebe, dep atap ótti Atbasar qalasy bilim berý bóliminiń ádiskeri Ásel Qozybaeva. Reti kelgende aıta ketý kerek, Ilııas Esenberlın 1915 jyly osy shahardaǵy aǵash sheberiniń otbasynda ómirge kelgen. Al jazýshy turǵan úsh bólmeli aǵash úıdi onyń ákesi Esenberli aǵasy Shoqanmen birge 1895 jyly salypty. Sondaı-aq qalada jazýshynyń ádebı shyǵarmalaryna qurylǵan murajaı da bar. Jáne de Ilekeń atyndaǵy kósheniń boıynda ornalasqan jazýshynyń turǵan baspanasynyń bir búıirine eskertkish taqta da ilinipti. Budan basqa, munda jazýshynyń esimimen atalǵan kitaphana da bar. Sol sııaqty qaladaǵy №1 mektep-gımnazııasy da jazýshy atymen atalady. Al Atbasar qalasynyń ortalyǵynda jazýshyǵa arnalǵan záýlim eskertkish menmundalaıdy.
Asqar TURAPBAIULY,
«Egemen Qazaqstan»
Aqmola oblysy
