Izdegenińizdi taýyp, talǵamyńyzǵa týra keletin zattardy tańdaı alasyz. Kádesyıdan bólek qolóner sheberleriniń qolynan shyqqan, turmysta qoldanylatyn nemese qundy syılyq retinde usynylatyn zattar kóp. Qolóner sheberleri arasyndaǵy básekelestiktiń joǵary jáne olarǵa jasalǵan múmkindiktiń moldyǵy da suranysty qamtamasyz etýde.
Kúni keshe ótken qolóner sheberleriniń halyqaralyq festıvali de bekzat ónerge degen kózqarasty bildiredi. «Túrkistan – túrki áleminiń mádenı astanasy» jyly aıasynda ótken sharaǵa elimizden bólek túrkitildes birqatar elderden «qoly altyn» sheberler qatysty. Túrkistan qalasynyń ákimi Á.О́serbaevtyń aıtýynsha, bıyl jalpy jetpisten astam jobalar iske asyrylsa, onyń qyryqqa jýyǵy halyqaralyq deńgeıdegi basqosýlar eken. Al TÚRKSOI-dyń qazaqstandyq ókili A.Turǵanbaev: «Qolóner – bul ólmes óner. Atadan balaǵa mıras bolyp kele jatqan bekzat ónerimizdi joǵaltyp almaý bizdiń paryzymyz. Bul ónerdi keıingi jastarǵa úıretý qajet. Sondyqtan da bul festıvaldiń mańyzy erekshe. О́zge baýyrlas elder qolónershilerimen tájirıbe almasý da búgingi arnaıy ótken kórmeden kórinis tapty. Túrkistan bir jyldyq qala emes, máńgilik rýhanı astanamyz bolyp qala bermek», dedi.
Qolóner salasyndaǵy ótkizilgen tuńǵysh festıval TÚRKSOI aıasynda aldaǵy ýaqytta mádenı astanalarda da óz jalǵasyn tappaq. Festıval barysynda qatysýshylar qolóner mektebiniń sheberhanasynda sheberlik synyptarmen tanysyp, etnografııalyq mýzeıde boldy.
Ǵalymjan ELShIBAI,
«Egemen Qazaqstan»
