Kásiporynnyń jumysymen tanysqan aımaq basshysy jańa zaýyttyń mańyzdy tustaryna toqtaldy.
«О́ndiris salasynda jaqsy oqıǵa, ol osy aýdannyń jáne kórshi aýdandardyń qajettiligi úshin gazobeton blogyn shyǵaratyn zaýyttyń iske qosylýy. Quny 120 mln. teńge bolatyn jobanyń iske qosylýy qurylys úshin mańyzdy. Sondyqtan bul bastamany qoldaımyn. Atalǵan aýdandaǵy ındýstrııaldy aımaqta qazir jalpy quny 2 mlrd. teńgeni quraıtyn 7 joba júzege asyrylýda. Kásiporyndar ashylsa, salyq túsip, el bıýdjeti molaıady, turǵyndar jumyspen qamtylatyn bolady», - dedi ákim.
Sondaı-aq, óńir basshysy Qazyǵurt Shymkent qalasymen irgeles jatqan kórshi aýdan ekenin jáne Jibek joly men «Batys Eýropa - Batys Qytaı» úlken jolynyń boıynda ornalasqan aýdan bolǵandyqtan munda óndiristi órkendetý qajettigin aıtyp, mundaı bastamalardy qoldaýǵa árqashan daıyn ekenin jetkizdi.
О́ndiriste aldyńǵy qatarly ınnovasııalyq tehnologııalardyń qoldanylýy men joǵary sapaly shıkizattyń paıdalanylýynyń arqasynda, zaýyttyń ónimi halyqaralyq standarttardyń eń joǵary talaptaryna jaýap beretin bolady.
Munda jylyna 12 myń sharshy metr, ıaǵnı 336 myń dana gazobeton blogy shyǵarylady. Qurylysta tıimdi bolyp keletin bul ónimniń eni 30 sm, bıiktigi 40, al uzyndyǵy 60 sm. Atalǵan kásiporynnyń ónimderi óńirde salynatyn kópqabatty turǵyn úılerde qoldanylatyn bolady.
Qazyǵurt aýdanyna jasaǵan sapary barysynda oblys ákimi jylyna 25-30 tonna tátti ónimder shyǵarýǵa qaýqarly jeke kásipker Gúlzııa Beısebaevanyń kondıterlik sehynyń jumysymen tanysyp, jergilikti 10 adamdy jumyspen qamtyp otyrǵan isker azamatshanyń jumysyn oń baǵalady.
Bul jobanyń quny 80 mln. teńgeni quraıdy. Ony júzege asyrý úshin kásipker «ONtústik ónimderi» aımaqtyq qarjylandyrý baǵdarlamasy jáne «Bıznestiń jol kartasy - 2020» baǵdarlamasynyń «Bank nesıelerin kepildendirý» sharty boıynsha qarjylaı qoldaýǵa ıe bolǵan. Túrkııadan kondıterldik ónim óndiretin qural-jabdyq ákelgen Gúlzııa Beısebaeva elimizde kásipkerlikpen aınalysýǵa jaǵdaı jasalǵanyn aıtty.
Budan bólek, ákim Qazyǵurt aýdanynda jylyna 63,2 mln kVt elektr energııasyn óndiretin shaǵyn gıdro elektr stansııasyn aralap kórdi. Búgingi tańda kásiporyn synaq merziminen ótip, elektr qýatyn shyǵarýdy bastap ketti. Elektr stansııasy óndirilgen ónimdi Qyzylsengir eldi mekeniniń elektr jelisine qosý úshin «Ońtústik jaryq» mekemesine 1kVt 16,71 teńgeden elektr qýatyn ótkizýde. Úlken kesken kanalynan 6m³/sek. sý alynyp, 450 metr tómen qaraı elektr stansııasyna kelip, arnaıy qondyrǵylardan ótip saǵ/1000 kVt. elektr qýaty shyǵarylady.
