27 qarashada QR Syrtqy ister mınıstriniń orynbasary Aqylbek Kamaldınov QHR Elshisi Chjan Hanhýeımen kezdesti. Sondaı-aq Qazaqstan Respýblıkasy Syrtqy ister mınıstrliginiń Konsýldyq qyzmet departamenti jáne Astanadaǵy QHR Elshiliginiń konsýldyq bólim basshylyǵymen qazaq dıasporasyna (QHR azamattary) baılanysty máselelerdi sheshý jolyndaǵy yntymaqtastyq jónindegi konsýltasııalar ótkizildi. 9 qarashada Qazaqstan Respýblıkasynyń Qytaıdaǵy Elshisi Shahrat Nuryshev QHR Syrtqy ister mınıstriniń kómekshisi (vıse-mınıstr) Lı Hýeılaımen kezdesti.
Osy jyldyń sońyna deıin QR Syrtqy ister mınıstriniń birinshi orynbasary Muhtar Tileýberdi Úrimji qalasyna QHR Shynjań Uıǵyr avtonomııalyq aýdany jáne QHR ShUAR Syrtqy ister basqarmasy basshylyǵymen kezdesý maqsatymen, sondaı-aq QR SIM Pasport jáne vızalyq qyzmet ınspeksııasyn jasaý úshin jumys saparymen barady.
Sonymen qatar, jeltoqsanda Syrtqy ister mınıstriniń orynbasary A. Kamaldınovtyń Beıjiń qalasyna kún tártibinde QHR qazaq dıasporasynyń máseleleri qamtylatyn QR-QHR Qaýipsizdik salasyndaǵy yntymaqtastyq jónindegi kishi komıtettiń jáne eki eldiń Syrtqy ister mınıstrlikteri arasyndaǵy saıası konsýltasııalar otyrysyn ótkizý maqsatynda jumys sapary josparlanǵan.
Elbasy Nursultan Nazarbaevtyń tapsyrmalaryna sáıkes sheteldegi qazaq dıasporasyna qatysty máseleler QR SIM qyzmetiniń basym baǵyttarynyń biri bolyp tabylady jáne ekijaqty kelissózder men Qazaqstannyń syrtqy saıası vedomstvosynyń basqa elderdiń tıisti organdarymen kezdesýleriniń kún tártibine júıeli túrde engiziledi.
