Tennıs federasııasy myna atalym boıynsha 2017 jyldyń úzdikterdi anyqtaǵan. Olar: «12 jasqa deıingi úzdik oıynshy, «14 jasqa deıingi úzdik oıynshy», «12 jasqa deıingi sportshylardyń úzdik bapkeri», «14 jasqa deıingi sportshylardyń úzdik bapkeri», «14 jastan joǵary sportshylardyń úzdik bapkeri» jáne taǵy basqa birneshe atalym boıynsha jyl boıy úzdik óner kórsetken sportshylarǵa syılyqtar tabystaldy.
Jyl qorytyndysy sońynda federasııa basshysy Bolat О́temuratov óz pikirin bildirdi. «Bıyl biz 10 jyldyǵymyzdy toıladyq. Osy ýaqyt aralyǵynda aýyz toltyryp aıtatyn biraz jetistikterimiz boldy. Sondaı-aq, tennıs sportyn damytý maqsatynda birqatar mańyzdy is-sharalar ótkizdik. Atap aıtar bolsaq, ınfraqurylymdy damyttyq, bapkerlerdiń biliktiligin arttyrdyq jáne birqatar mańyzdy halyqaralyq jarystar ótkizdik. Tennıstiń damýy osy úsh máselege kelip tireletini barshańyzǵa belgili», dedi ol.
