Táýelsizdik merekesine arnalǵan búgingi saltanatty jıynymyzǵa «Nur Otan» partııasynyń Almaty qalalyq fılıaly Tóraǵasynyń orynbasary Qaıym-Munar Tabeev jáne «Nur Otan» partııasy Medeý aýdandyq fılıaly tóraǵasynyń orynbasary Merýert Muqanova qatysty.
Merekege arnalǵan saltanatty jıynymyzdy ashý úshin alǵashqy sózdi ýnıversıtetimizdiń rektory, Qazaqstan Respýblıkasynyń Ulttyq Ǵylym Akademııasynyń vıse-prezıdenti, akademık Tilektes Espolovqa berildi.
«Táýelsiz eldiń senimdi tuǵyry – ol halyqtyń básekelik qabileti men órshil rýhy, jasampaz jigeri men kemel sanasy. Bul qudirettiń máni men bolmysyn Elbasymyzdyń «Bolashaqqa baǵdar: rýhanı jańǵyrý» maqalasynan jaqsy bilesizder. Jańa álemdegi jańa Qazaqstannyń búgingi tabystarynyń kilti el birliginde, ulttardyń tatýlyǵynda jatyr. Qazaqstan úshin táýelsizdiktiń ár kúni parasat pen paıymǵa toly. Bizdiń ujym Tuńǵysh Prezıdentimiz ben «Nur Otan» partııasynyń senimdi kómekshisi bolǵan jáne bolyp qala beredi. Ýnıversıtetimizdegi bastaýysh partııa uıymynda myńǵa jýyq adam «Nur Otan» múshesi. Búgin jańa tolqynmen tolyǵamyz. Demek, kúshke-kúsh, oıǵa-oı, izdenisimizge aqyl men qaırat qosylady», – dedi Tilektes Isabaıuly.
Táýelsizdik kúnine oraı «Nur Otan» partııasynyń jańa múshelerine partııa bıletin saltanatty túrde tabys etilgennen keıin Jeltoqsannyń kýágeri, osy taqyrypty zerttep, «Qazaqtyń jeltoqsany» atty kitap jazǵan belgili pýblısıst Qaıym-Munar Tabeev merekemen quttyqtaý úshin jáne «Nur Otan» partııasyna jańadan qabyldanǵan múshelerine partııalyq bıletti saltanatty túrde tapsyrý úshin ortaǵa shaqyryldy.
Qazaq Ulttyq agrarlyq ýnıversıtetiniń «Rýhanı jańǵyrý» ınstıtýtynyń dırektory, QR Ulttyq Ǵylym akademııasynyń akademıgi, tarıh ǵylymdarynyń doktory Hankeldi Ábjanov 23 adamǵa partııa bıleti saltanatty túrde tapsyryldy. Budan keıin partııanyń jańa múshelerine saltanatty jaǵdaıda bılet tapsyrý rásimi ótti. Sońy merekelik konsertke ulasty.
Saparbaı PARMANQUL,
«Egemen Qazaqstan»
ALMATY
