Qyzylorda oblysynyń ákimi Qyrymbek Kósherbaev turǵyndardy Táýelsizdik kúnimen jáne qonystoıymen quttyqtady.
"Bıyl biz oblys ortalyǵynyń kúrmeýli máseleleriniń birin sheshtik, apatty úılerdi joıyp, turǵyndardy jańa qonysqa kóshirdik. Sońǵy 4 jylda oblys ortalyǵynda 7 myńnan astam turǵyny bar 12 shaǵyn aýdan boı kóterdi. Budan bólek, Syrdarııanyń sol jaǵalaýynan jańa qalanyń qurylysy bastaldy», - dedi oblys ákimi.
Balalar úıinde tárbıelengen Baýyrjan Ibraev baspanaly bolǵandardyń atynan oblys basshylyǵyna alǵys aıtty.
«Osyndaı qoldaý kórsetip otyrǵandaryńyz úshin myń alǵys. Biz, jastar, senimderińizdi aqtap, óńirdiń órkendeýi úshin aıanbaı eńbek etýge árqashan daıynbyz», - dedi ol.
Sondaı-aq, jerlesterine akademık Asqar Jumadildaev ta jyly lebizin jetkizdi.
«Qazaqstannyń Táýelsizdigin jarııalaǵan 360 depýtatynyń biri men bolatynmyn. Sol ýaqytta Qyzylordada, osy aýdanda turdym. Áli esimde, sol kezde budan da sýyq qys boldy, sý, jaryq, jylý, jol joq. Biz de búgingideı eldigimizdi, egemendigimizdi saqtap qala alamyz ba degen ýaıym bolǵanyn jasyrmaımyz. Al endi Qyzylordamyz qalaı kórkeıip, uandaı keremet úıler salynyp jatqanyn kórip, qýanyp otyrmyz!» - dedi akademık.
Esterińizge sala keteıik, bıyl qalada 61 kópqabatty úıdiń qurylysy júrýde. 4 jarym jylda aımaqta qurylys kólemi 3,5 esege ósse, oblys ortalyǵynda 8 esege artty.
