Merekege oqý ozattary, jetim balalar, az qamtylǵan otbasylardyń balalary men erekshe qajettiligi bar búldirshinder shaqyryldy.
Elorda ákiminiń orynbasary Ermek Amanshaevtyń sózinshe ótip bara jatqan jyl qala úshin aıryqsha boldy.
«Astanada EKSPO halyqaralyq kórmesi dúrkirep ótti. Aldaǵy jyl da aıtýly sharalarǵa toly bolmaq. Biz elordamyzdyń 20 jyldyǵyn qarsy alamyz.Barlyǵyńyzǵa armandaryńyzdyń oryndalýyn jáne jańajyldyq ǵajaıyp tileımin!» – dedi E.Amanshaev elordalyq oqýshylardy quttyqtaý kezinde.
Shara ınteraktıvti shoý qoıylym retinde ótip, ondaǵy ertegige barlyq bala qatysty.
Merekelik baǵdarlama aıasynda balalar ertegi keıipkerlerimen shyrshany aınala án salyp, syılyqtarǵa ıe boldy.
Jańajyldyq shyrshadan soń balalarǵa "Nur Álem" sferasynda ekskýrsııa uıymdastyryldy.
Qalalyq bilim basqarmasynyń basshysy Anýar Janǵozınniń sózinshe, shyrshanyń negizgi ıdeıasy elordanyń 20 jyldyǵy men onyń tarıhy. Buǵan qosa elordalyq oqýshylardyń jetistigine de toqtaldy.
«Búgin barlyq oqýshylardy kele jatqan Jańa jylmen quttyqtaǵym keledi. Sondaı-aq olardyń oqýdaǵy jetistigin atap ótkim keledi. Sebebi bizdiń tobymyz 11 jyl qatarynan respýblıka boıynsha birinshi orynda keledi. Balalarymyzǵa armandarynyń oryndalýyn jáne baqytty bolashaqqa degen senim tileımin», – dedi A.Janǵozın.
