Foto: Ashyq derekkóz
Prokýratýra ókiliniń aıtýynsha, Aqbaıan Muqanǵalıeva adam óltirý isi boıynsha kúdikti retinde tanylmaıdy jáne oǵan qatysty qylmystyq qýdalaý toqtatylǵan.
«Onyń adam óltirý faktisine qatysy bolmaǵandyqtan, ózine qatysty qylmystyq qýdalaý toqtatyldy. Qylmys týraly habarlamaý faktisi boıynsha bólek is tirkeldi. Alaıda oǵan áli quqyqtyq baǵa berilgen joq. Aqbaıan Muqanǵalıeva is boıynsha kúdikti retinde tanylmaıdy jáne oǵan qatysty bultartpaý sharasy qoldanylmaǵan», dedi Jandar Bolatbek.
Atyraý oblysyndaǵy otbasynyń ólimi: Kúdikti týystaryn birneshe aı boıy kezekpen óltirgen
Sondaı-aq onyń psıhıkalyq jaǵdaıyna baılanysty Almatyda psıhıatrııalyq saraptama júrgizilgeni aıtyldy. Saraptama qorytyndysy prokýratýraǵa áli túspegen. Qajet bolǵan jaǵdaıda qosymsha saraptama taǵaıyndalýy múmkin.
Qazirgi ýaqytta Aqbaıan Muqanǵalıeva Atyraýdaǵy oblystyq psıhıatrııalyq ortalyqta jatyr.
Al bul is boıynsha basty kúdikti Sultan Sársemálıev kinásin moıyndaǵan. Prokýratýranyń málimetinshe, psıhologııalyq-psıhıatrııalyq saraptama nátıjesinde ol tolyq esi durys dep tanylǵan. Osyǵan baılanysty oǵan zań aıasynda tolyq kólemde jaza taǵaıyndalýy múmkin. Tergeý aıaqtalyp, is sotqa joldanǵan.
Nurbolat AMANBEK
