Kýrchatov qalasyndaǵy QR Ulttyq Iаdrolyq Ortalyǵynda Energetıkter kúnine oraı saltanatty jıyn bolyp ótti. Jıynǵa Kýrchatov qalasynyń ákimi Almas Ońdaqanov, qalalyq máslıhat hatshysy Gúlmıra Qarymbaeva jáne taǵy basqa da mekeme, uıym basshylary qatysyp otyrdy. Jıynda Kýrchatov qalasynyń ákimi Almas Ońdaqanov Ulttyq Iаdrolyq Ortalyqtyń Bas dırektory Erlan Batyrbekovke «Kýrchatov qalasynyń qurmetti azamaty» marapatyn tapsyrdy.
-Erlan Ǵadiletulyn osy marapatqa naǵyz laıyq azamat qalalyq máslıhattyń kezekti sessııasynda depýtattar arnaıy sheshim shyǵardy,-dedi qala ákimi Almas Ońdaqanov,- Erlan Batyrbekov kásibı maman, bilikti basshy. Osy azamattyń jetekshiligimen búgingi tańda QR Ulttyq Iаdrolyq Ortalyǵynda atom salasynyń ınnovasııalyq baǵdarlamalary, atap aıtqanda «KTM Tokamak» jobasy iske qosylýda. El Prezıdenti Nursultan Nazarbaevtyń tapsyrmasymen beıbit atomdy nasıhattaýda AQSh, Japonııa, Fransııa, Reseı sııaqty kóptegen alys jáne jaqyn sheteldermen iskerlik baılanys ornatyp keledi. Sheteldik ǵalymdar búginde qazaqstandyq atom salasynyń mamandarynyń jumysyna qyzyǵýshylyq tanytsa, ol birden-bir osy Erlan Ǵadiletuly Batyrbekovtyń eńbeginiń jemisi dep bilemiz.
Aıta ketý kerek, Ulttyq jaratylystaný akademııasynyń akademıgi, Ulttyq Iаdrolyq Ortalyqtyń Bas dırektory Erlan Batyrbekov ıadrolyq energetıkasy salasyndaǵy ishki reaktorlyq tájirıbeler men ıadrolyq energııanyń optıkalyq sáýlelenýin tereń zerttegen úzdik maman bolyp tabylady. Ol ıadrolyq energetıka, ıadrolyq energııanyń jańa túrge enýi taqyrybynda 100-den asa ǵylymı maqala jazǵan. Onyń ishinde «Ǵaryshtyq baǵyttaǵy ıadrolyq-energetıkalyq reaktorlardy ornatýdyń jáne lazerlerdi jasaýdyń fızıkalyq máseleleri» taqyrybyndaǵy zertteý jumysy ǵylymı ortada aıryqsha atalady.
Raýshan Nuǵmanbekova
Kýrchatov qalasy.
Sýretti túsirgen avtor.
