Facebook paraqshasynda Morales bul sheshim Izraıldiń premer-mınıstri Bınıamın Netanıahýmen sóıleskennen keıin qabyldanǵanyn jazdy.
О́tken aptada Gvatemala BUU-nyń qararyna qarsy daýys bergen BUU-ǵa múshe 7 eldiń qatarynda boldy. BUU tarapy AQSh-qa Ierýsalımdi Izraıl astanasy retinde moıyndaý týraly sheshimin qaıta qaraýdy talap etken bolatyn.
AQSh Izraıldiń 1948 jyly óz aldyna jeke memleket bolyp qurylǵanynan bergi Ierýsalımdi astanasy dep moıyndaǵan alǵashqy memleket.
BUU-nyń Bas assambleıasy 21 jeltoqsan kúni Ierýsalımdi Izraıl astanasy retinde moıyndamaý týraly qarar qabyldady. Bul qararǵa AQSh, Gvatemala, Gondýras, Izraıl, Marshall Araldary, Mıkronezııa, Naýrý, Palaý jáne Togo elderi qarsy shyqty. Al 128 memleket BUU-nyń qararyn qoldady. Sondaı-aq, 35 memleket daýys berýden qalys qaldy.
Qararda AQSh týraly sóz qozǵalmaǵan. Alaıda, Ierýsalım týraly barlyq sheshim toqtatylýy kerek ekeni aıtylǵan. Mátinde qala mártebesine qatysty kez kelgen sheshim jaramsyz dep tanylýy kerektigi kórsetilgen.
AQSh tarapy dollar arqyly jazalamaq
Birneshe kún buryn, ıaǵnı 20 jeltoqsanda AQSh prezıdenti Donald Tramp BUU-nyń sheshimin qoldaǵan memleketterge qarjylaı kómek kórsetýdi toqtatanyn aıtyp qorqytty. Al Gvatemalaǵa qarjylaı qoldaý kórsetip otyrǵan birden bir memleket.
«Olar bizden júzdegen mıllıon, tipti mıllıardtaǵan dollar ala otyryp, bizge qarsy daýys beredi. Meıli, ózderi bilsin. Endi únemshildikke kóshetin bolatynbyz. Bizge bári bir», – dedi AQSh prezıdenti.
Donald Tramp birer apta buryn Ierýsalımdi Izraıl astanasy retinde moıyndap, AQSh elshiligin Tel-Avıv qalasynan Ierýsalımge kóshirý týraly sheshim qabyldady. Tramptyń sózinen keıin Gaza sektorynda qaqtyǵys bolyp, ondaǵan adam jaraqat aldy. О́z kezeginde arab elderiniń basshylary aımaqtaǵy jaǵdaıdy shıelenistirmeý úshin Trampqa bul sheshimin ázirge toqtata turýyn suraǵan. Al Túrkııa prezıdenti Rejep Taıyp Erdoǵan Ierýsalımdi qaıta Palestına astanasy retinde moıyndaýǵa shaqyrdy.
AQSh prezıdenti elshilikti kóshirý isin alty aıǵa shegerdi. 1995 jyly kongress elshilikti kóshirý týraly sheshim qabyldaǵaly beri AQSh prezıdentteri bul qujatqa ár 6 aı saıyn qol qoıyp keledi.
О́z kezeginde Izraıl premer-mınıstri Benıamın Natanıahý Ashdod qalasynda sóılegen sózinde: «BUU qalasa da, qalamasa da Ierýsalım Izraıl astanasy bolyp esepteledi», dedi.
Ierýsalım mártebesi – Izraıl men arab elderi arasyndaǵy daýly máseleniń biri. Izraıldikter Ierýsalımdi óz eliniń astanasy dep eseptese, palestınalyqtar Shyǵys Ierýsalımdi bolashaq memleketiniń bas qalasy retinde kóredi.
Daıyndaǵan Aıan ÁBDÝÁLI, «Egemen Qazaqstan»
