Keler jyly jekemenshik memlekettik seriktestikpen Muz saraıy men boks ortalyǵy qurylysy bastalmaq. Sonymen qatar ústel tennısi ortalyǵy men barlyq aýdandarda deneshynyqtyrý saýyqtyrý kesheni salynady. Aqtaý qalasynda yqshamaýdandarǵy 15 oıyn alańy jóndeýden ótkizý josparlanǵan. Sonymen qatar, óńirde dzıýdo, sambo kúresi, karate-do, kıkboksıng qarqyndy damyp kele jatyr. Jastar men jasóspirimder arasynda mańǵystaýlyqtar - sambo kúresinen Ramazan Mamaev, dzıýdodan Azııa jáne Eýropa kýboginiń chempıony Suńǵat Jubatqan, karate-dodan Erkinbek Baıtórıev Álem chempıony atansa, Horvatııada jastar arasynda dzıýdodan ótken Álem chempıonatynyń tuńǵysh qola júldesin Baýyrjan Narbaev ıelendi. Mańǵystaýlyq úsh jattyqtyrýshy «QR Eńbegi sińirgen jattyqtyrýshy» ataǵyn abyroımen qorǵady. Oblysta turaqty sportpen aınalysatyndardyń sany 30%-dan asty.
Merekelik keshte tómendegideı marapattar tabystaldy:
- Qazaqstan Respýblıkasy Mádenıet jáne sport mınıstrliginiń «Dene shynyqtyrý men sportty damytýǵa sińirgen eńbegi úshin» tósbelgisimen Qaraqııa aýdandyq mádenıet, dene shynyqtyrý jáne sport bóliminiń basshysy Dúısenbaı Ataǵaraev jáne Mańǵystaý oblystyq Olımpıadalyq daıarlaý ortalyǵynyń dırektory Qanat Ozǵanbaev;
- Qazaqstan Respýblıkasy Mádenıet jáne sport mınıstrliginiń «Qurmetti sport qyzmetkeri» tósbelgisimen Mańǵystaý oblystyq dene shynyqtyrý jáne sport basqarmasy basshysynyń orynbasary Nurbek Qaraballaev;
- Qazaqstan Respýblıkasyna Eńbek sińirgen jattyqtyrýshysy medalimen taekvondodan jattyqtyrýshy Ǵanı Ibragımov, bokstan jattyqtyrýshy Jaras Kalımov, kıkboksıngten jattyqtyrýshy Esenmurat Selıkov;
- Sport salasyn damytýǵa qosqan úlesi úshin «Jomart júrek» nomınasııasymen Sarsenbaı Abdýllaev;
- Sport salasy boıynsha «Jyldyń úzdik aýdany» nomınasııasymen Mańǵystaý aýdany marapattaldy.
Sondaı-aq, osy salanyń damýyna súbeli úles qosqan 70-ke jýyq azamatqa Mańǵystaý oblysy ákiminiń alǵysy tabystaldy.
Shara sońy óńirdiń óner juldyzdary men sportshylar qatysqan merekelik konsertke jalǵasty.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
