• 28 Jeltoqsan, 2017

«Torpedo» hokkeıshileriniń tartýy

280 ret

kórsetildi

1 mın

oqý úshin

О́skemendik «Torpedo» hokkeı klýbynyń oıynshylary men jattyqtyrýshylary oblys ortalyǵyndaǵy Ana men bala ortalyǵyna arnaıy baryp, onda emdelip jatqan balalardy erekshe qýanyshqa bóledi. Hokkeı klýbynyń bastamasymen, «Qazsınk» JShS-niń uıymdastyrýymen ótken qaıyrymdylyq shara barysynda Evgenıı Rymarev, Aleksandr Shın, Leonıd Metalnıkov, gollandııalyq legıoner Maık Dalhıýzen syndy oıynshylar 150 balǵynǵa tátti-dámdiler men oıynshyqtardy tartý etti.

Egemen Qazaqstan

Komanda jattyqtyrýshysy Rýslan Revıakın B.Aleksandrov atyndaǵy Sport saraıynda jumsaq oıynshyqtardy jınaý sharasy uıymdastyrylǵanyn, qaıyrymdylyq aksııasyna qala turǵyndary belsene atsalysqanyn aıtady. «Balalarǵa shattyq syılaýdan artyq baqyt joq shyǵar. Igi dástúrdiń jalǵasyn taýyp jatqany qýantady», deıdi ol.

Jańa jyl qarsańyndaǵy ıgi shara barysynda hokkeıshiler birneshe bólimdi bir saǵatqa jýyq erinbeı aralap, júrýge, sóıleýge shamasy keletinderge syılyqty óz qoldaryna tabystap, operasııadan shyǵyp, tynyǵyp nemese operasııa jasalyp jatqan balǵyndardyń syılyǵyn tósekterine qaldyrdy. «Ortalyqta em alyp jatqan barlyq balalar men olardyń ata-analary dán rıza. Dárigerler men medbıkeler balǵyndardyń tez saýyǵyp, qatarǵa qosylýy úshin aıanyp jatqan joq. Aksııany uıymdastyrýshylarǵa alǵysymyz sheksiz», deıdi Ana men bala ortalyǵynyń dırektory Ermek Omarbekov.

Azamat QASYM,
«Egemen Qazaqstan»

О́SKEMEN