Máselen, ótken jyly kópqabatty 44 úı, ıaǵnı, 214,6 myń sharshy metr bolatyn 2564 páter tapsyryldy. Al, osy jyly oblysta barlyǵy 976,9 myń sharshy metr bolatyn 245 kópqabatty úıdiń qurylysy júrgizilýde. Onyń búginde 347,2 myń sharshy metri, ıaǵnı, 91 úı paıdalanýǵa berilip, 4733 baspana el ıgiligine úlestirildi. О́tken jylǵymen salystyrǵanda ósim 61,8 paıyzǵa artqan. Bul jumystar oblys ákimi J.Túımebaevtyń qalada kópqabatty turǵyn úı sanyn kóbeıtý boıynsha berilgen tapsyrmasynyń negizinde júzege asyp otyr.
Jyl basynda aımaq basshysy oblys ortalyǵyndaǵy negizgi máselelerdiń biri – baspana ekenin aıtyp, qala ortalyǵynda kópqabatty turǵyn úılerdiń qurylysyna basymdyq berip, úı kezeginde turǵan azamattardy baspanamen qamtý jaıyn qarastyrýdy tapsyrǵan bolatyn. Sondaı-aq, qalany damytýdaǵy kezekti bir jıynynda qaladaǵy úılerdiń 70 paıyzyn jer úıler quraǵandyqtan olardyń ınfraqurylymdyq qajettiliktermen qamtamasyz etý asa kóp shyǵyndy talap etip otyrǵanyn jáne jeke turǵyn úı qurylysy kóptep salynýynan ortalyqtyń sáýlettik kelbetine de aıtarlyqtaı keri áserin tıgizgenin eskertken. Osy rette, oblysta aldaǵy ýaqytta kópqabatty turǵyn úı salý qarqyny eselene túspek. Iаǵnı, 2018 jyly óńirde osy jyldan ótpeli kópqabatty 154 turǵyn úıdiń qurylysy men qosymsha jańadan kópqabatty 100 turǵyn úıdiń qurylysy bastalmaq.
Jalpy óńirde «Nurly jer» baǵdarlamasynyń barlyq baǵyty boıynsha 620 myń sharshy metr bolatyn turǵyn úı paıdalanýǵa berilip, osynyń nátıjesinde ońtústikqazaqstandyq 6553 otbasy baspanaly boldy. Qurylysy bitken úılerdiń ishinde 347,2 myń sharshy metri kópqabatty bolsa, 272,3 myń sharshy metri jeke turǵyn úı.
Atalǵan turǵyn úı qurylysyna 36,9 mlrd teńge kóleminde ınvestısııa salyndy. Bul kórsetkish ótken jylǵymen salystyrǵanda 8,9 paıyzǵa artyq. Onyń ishinde 18,8 mlrd teńge memlekettik ınvestısııalardy quraıdy.
