-Adamdyq borysh ar úshin,
Barsha adamzat qamy úshin.
Sert bergem eńbek etem dep,
Aldaǵy atar tań úshin, - deı kele «ar» ilimin ómiriniń maqsaty dep tanyp, eliniń qamy úshin erinbeı eńbektenip, keleshek urpaǵyna óshpesteı mura qaldyrǵan Shákárim Qudaıberdiulynyń osynaý 160 jyldyq mereıtoıy qarasańynda Semeıdegi Abaıdyń memlekettik qoryq mýzeıi «Shakarim.kz» saıtyn ashyp otyr.
-О́zine «Mutylǵan» dep at qoıǵan aqyn esimi uzaq jyldar boıy, ıaǵnı aqtalǵanǵa deıingi ýaqyttarda tar qursaýda qalyp qoıdy,-deıdi Abaıdyń memlekettik qoryq-mýzeıiniń dırektory Bolat Júnisbekova,- 1958-1984 jyldar aralyǵynda Shákárim shyǵarmashylyǵy tolyq aqtalmasa da, uly Ahat Shákárimuly ákesiniń eńbekterin kóptegen ǵylymı-zertteý ortalyqtaryna, atap aıtqanda Almatydaǵy Ulttyq kitaphana, Ǵylym Akademııasynyń Ortalyq ǵylymı kitaphanasy, M.O.Áýezov atyndaǵy Ádebıet jáne óner ınstıtýty jáne Semeıdegi Abaıdyń qoryq-mýzeıiniń qoryna ótkizdi. Bul Shákárimdi tanýǵa zor múmkindik berdi. Búgingi tańda mýzeı qorynda jınaqtalǵan Shákárim murasy, ómirbaıany onyń shyǵarmashylyǵyn keńinen zertteýge jol ashyp otyr. Zaman talabyna saı jańa tehnologııalar qarqyndy damyp kele jatyr. Sondyqtan mýzeı salasy da zaman kóshine ilesip, alǵa jyljýy shart. Mýzeıge adamdardyń jıi kelýge múmkindigi bola bermeıdi. Mýzeı qoryndaǵy aqyn murasyn keńinen nasıhattaý maqsatynda usynylyp otyr.
Sol bir zamanda «Bostandyq tańy atty» dep barshaǵa qýana jar salǵan Shákárimniń armany búginde ornydalǵandaı. Bul tek Shákárimniń ǵana emes barsha alash jurshylyǵynyń armany edi. Sondyqtan saıttyń bas beti Shákárimniń osy «Bostandyq tańy atty» óleńimen ashylady eken. Bul saıtty jasaý barysynda kóptegen materıaldar, qujattar, arhıv derekteri molynan jınalypty. Abaıdyń «Jıdebaı-Bórili» memlekettik qoryq-mýzeıiniń qorynda jyldar boıy muraǵattar men ǵylymı zertteýler barysynda jınaqtalyp kelgen qor materıaldary, mýzeı kitaphanasyna kelip túsken kitaptar men merzimdi baspasóz basylymdary da basshylyqqa alyndy. Sondaı-aq, mýzeı qoryndaǵy aqyn tulǵasy, onyń ómiri men shyǵarmalary negizindegi beıneleý óner týyndylaryn jáne haylqqa keńinen tanymal bolǵan Shákárim ánderin de osy saıttan tabýǵa bolady.
Raýshan Nuǵmanbekova
sýretti túsirgen avtor
Semeı
