«Kúlli Dáshti qypshaq jurty áýlıe tutyp, ázız, Áz dep qurmettegen áıgili Jánibek xannyń aıbarly dýlyǵasy kózimizge ottaı basyldy», dep jazǵan gazet basshysy Altyn Ordanyń ulyq qaǵany ataqty О́zbek xannyń uly Áz-Jánibek xannyń musylmansha aty Jalal-ad-dın ekeni de túsindirme paraǵynda kórsetilgenin aıtady.
Iаǵnı jádigerdiń túsindirmesinde: «Tıbette tabylǵan, pishini men jazýy sırek kezdesetin bul dýlyǵa Ortalyq nemese Batys Azııada jasalǵan bolýy múmkin. Bul Ortalyq Azııa men Taıaý Shyǵystyń ıslam mádenıetteri arasyndaǵy mańyzdy baılanysty kórsetedi. Dýlyǵanyń qaptamasy kúmisten jasalǵan jáne onda arabsha bylaı dep jazylǵan: «Uly mártebeli, qolbasshy jaýynger Sultan Mahmýd Jáni Bek hannyń buıryǵymen jasaldy». HIV ǵasyrda jasalǵan Mońǵol tıyndaryndaǵy jazýlarmen salystyryp qaraǵanda, bul mońǵoldardyń Kók Orda men Altyn Ordasyn 1342 men 1357 jyldar aralyǵynda basqarǵan Jánibek ıbn О́zbek nemese Jalal-ál-Dın Janı Bek ıbn О́zbek degen atpen tanymal bıleýshisine tıesili bolýy múmkin. Eger bul dálelder durys bolsa, dýlyǵa Mońǵol bıleýshisiniń esimin ıelengen birden bir jádiger bolyp tabylady», delingen.
Álemdegi eń kóp kóriletin tórtinshi mýzeıdiń negizi 1870 jyly qalanǵan eken. Al oǵan jaqut jádigerdiń qalaı barǵany ázirge jumbaq. Sondaı-aq, gazet basshysy onda Mysyr Mámlúkteriniń ataqty bıleýshisi Qaıtpaı sultannyń saýyty, Úndistandaǵy Babyr negizin qalaǵan Uly moǵoldar ımperııasynyń batyr bekterine tıesili qalqan, saýyt, er-turmany jáne úsh qurlyqta at oınatqan Osman memleketiniń áskerı muralary da saqtalǵanyn jazady.
Sýretter Darhan Qydyráliniń Facebook-tegi paraqshasynan alyndy.
