«Álbette, osy turǵyda azdap tolqyp júrgenimiz ras. Mańyzdy tapsyrma. Biraq kez kelgen máseleni sheshýge tyrysamyz. Sońǵy aıqasta Genanyń belsendi judyryqtasqan raýndtaryn tóreshilerdiń biri durys esepke almady. Endi revanshta eki tarap ta tóreshilerge barynsha nazar aýdaratynyna senimdimin. Jekpe-jek keshi ádiletti ári senimdi ótýi úshin jaýapty tulǵalar iriktelinip alynady.
Men Nevada komıssııasy jetekshilik etetin tóreshiler quramymen tolyq tanysyp shyǵamyn. Golden Boy-men (amerıkalyq promoýterlik kompanııa) birlesip eń tájirıbeli, bilikti mamandardy iriktep alýǵa tyrysamyz. Mundaı qadamǵa barýymyzdyń birden bir sebebi qyrkúıekte ótken aıqasta jurt kútken nátıje men tóreshilerdiń biri bergen baǵa múldem sáıkespedi.
Eki taraptyń da qalaýy – upaı sanyn ádil belgileý. Bul joly naǵyz myqtysy jeńiske jetsin dep tileımin. Jurt tóreshilerdiń ádiletsizdigin emes boksshylardyń jankeshtiligin, rıngtegi jaǵdaıdy áńgimeleýi kerek. Sondyqtan bul joly Erık Gomes (Golden Boy Promotions prezıdenti) ekeýimiz Nevada komıssııasymen osy máseleni talqylaımyz. Barlyq máseleni sheshemiz dep úmittenemin», dedi Tom Leffler.
