«AkTep» – agroklaster qurýdyń basty bazasy

Oǵan arnaıy kelgen Premer-Mınıstrdiń orynbasary – Aýyl sharýashylyǵy mı­nıstri О́mirzaq Shókeev oblys ákim­deriniń aýyl sharýashylyǵy sala­syna jetekshilik jasaıtyn oryn­basarlary jáne óńirlerdegi iri agro­ónerkásip kesheniniń jetek­shi­leri aldynda Joldaýdaǵy úshin­shi mindette qoıylǵan talap­tarǵa qa­tysty aldaǵy kezde at­qary­la­tyn ister jóninde egjeı-teg­jeıli aıtyp berdi. Osyǵan baılanys­ty Úkimette salany alǵa qaraı da­my­týdyń basym baǵyttary bel­gi­lengen. Bizdiń qazirgi is-qı­my­lymyz osy baǵyttar boıynsha jú­ıeli jumys júrgizýge baǵyt­talýy tıis, dep atap kórsetti О́.Shókeev.

О́ńirge eki kúndik jumys sapary kezinde sala basshysy mundaǵy agroónerkásip kesheniniń jaı-kúıi­men jáne osy baǵyttaǵy bir­­qatar nysandarmen tanys­ty. Son­dyqtan da ol jıynda osy máse­lelerge baılanysty kóńil­ge túıgenderin Joldaý talap­tary men sabaqtastyra otyryp tú­ıin­d­ep berdi. Aıtalyq, О́.Shó­keev­tiń málimdeýinshe, aı­maq­taǵy «AkTep», «Aıs» jáne «Aqtóbe et klasteri» JShS sekil­di óńdeýshi qurylymdar eńbek ónimdiligin arttyrý jóninde oń nátıjelerge qol jetkize bilgen. Al­ǵashqy atal­ǵan nysanda agroklaster qurý isi­niń quptarlyq kórinisteri bar ekeni de sala bas­shysynyń oń ba­ǵa­syna ıe boldy. Osyndaı tájirı­b­e­ler­den úı­renip, ony ári qaraı damyta berý­diń tıimdiligi mol, dedi ol. 

О́.Shókeevtiń óńirge sapary barysynda et klasterin damytýdyń jáne et eksporty kólemin odan ári ulǵaıtýdyń tolǵaǵy jetken máseleleri talqylandy. Buǵan eń qajetti alǵysharttyń biri – kólik-logıstıka ınfraqurylymyn damytý. Biz ejelden mal ósirgen, osy salanyń jaı-kúıin jetik biletin halyqtyń urpaǵymyz. Qazirgi qazaqtyń ulan-baıtaq dalasy men qunarly jeri jaıylymdyq mal sharýashylyǵyn damytýǵa óte yńǵaıly. Solaı bola tura mal, sonyń ishinde iri qara malynyń ónimderi bizge ımporttyq jolmen kelýi qanshalyqty tıimdi. Onyń ishinde eksporttyq mal ónimderin, sonyń ishinde sıyr eti eksportyn ulǵaıta túskenimiz jón emes pe. Premer-Mınıstrdiń orynbasary – Aýyl sharýashylyǵy mınıstri О́.Shókeevtiń qatysýymen ótki­zilgen «Aqyldy tehnologııa­lar – agronerkásip keshenin qar­qyn­dy damytý múmkindigi» atty respýb­lıkalyq semınarǵa qatysýshylar osy máseleler tóńireginde de jan-jaqty oı-pikirler almasty.

Respýblıkalyq semınarda Aqtóbe oblysynyń ákimi B.Sapar­baev agroónerkásip keshenin ór­kendetý isine tutas­taı el óńi­rinde jáne oblysta atqarylýǵa tıisti keıbir máse­lelerge toqtaldy. Onyń birin­shisi fermerler men shaǵyn aýyl­sharýa­shylyq ónimin óndirýshi­lerge qyzmet kórsetetin biryńǵaı ortalyq qurý bolyp tabylady. Mundaı jaǵdaıda artyq shy­­ǵyndar azaıyp, shaǵyn agro­qu­ry­­­lymdar qyzmetiniń tıim­dili­gi kóterile túsedi. Olar áleke­deı jalańdaǵan alypsatar­lar men deldaldarǵa jem bolmaıdy. Son­daı-aq óńir basshysy eks­portt­yq mal ónimderi úlesin kó­beıtý úshin áli de paıdal­a­nyl­­maı júrgen rezervter men múm­kin­dikterdi iske qosý qajettigin aıtty.

Sapar qorytyndysynda О́.Shókeev Úkimettiń elimizdegi úlken óńdeýshi agroqurylymdarǵa kór­setken qoldaýynyń kishi sharýa­­­­shylyqtarǵa da kómegi bola alatynyn atap ótti. Aıta­lyq, osy Aqtóbe aımaǵynda «AkTep» jáne «Aıs» sekildi óń­deý­­shi kásiporyndardyń qura­myn­­da belgili bir jobany ıgerý­ge qaty­sy bar kóptegen usaq qury­lymdar bar. Biz osy ispettes q­u­ry­lymdardy qoldaı bilsek, osy tóńi­rektegi usaq sharýashylyqtar da qoldaýdan tys qala almaıdy. Agroklaster qurý men oǵan qa­tys­ty shaǵyn qurylymdardy damy­týdyń basty bir tutqasy da osy tustan tabylady, dedi О́.Shókeev.

Temir QUSAIYN,
«Egemen Qazaqstan»

Aqtóbe oblysy