Olardyń ishinde qoldanystaǵy zańdy belden basyp júretinder de bar. Jaqynda oblystyq kóshi-qon polısııasy Jylyoı aýdanyna tekserý júrgizip, Qazaqstan aýmaǵynda zańsyz jumys istegen 31 ózbekstandyq azamatty anyqtady. Olar Teniz ken ornyna qyzmet kórsetetin jeke kásipkerlerde eńbek etip júrgen.
Oblystyq ishki ister departamentiniń baspasóz hatshysy Nazymgúl Qaısaǵalıeva: «О́zbekstan azamattaryna qatysty QR ÁQtK-niń 517 baptyń 5 bóligi boıynsha (Sheteldiktiń nemese azamattyǵy joq adamnyń júzege asyratyn qyzmeti vızada jáne (nemese) tirkeý kezinde kóshi-qon kartochkasynda kórsetilgen maqsattarǵa sáıkes bolmaýynan kóringen, Qazaqstan Respýblıkasynyń halyqtyń kóshi-qony) hattama toltyryldy. Al olardyń jumys berýshileri QR ÁQtK-niń 518-baby (Sheteldikterdi jáne azamattyǵy joq adamdardy qabyldaıtyn jeke nemese zańdy tulǵalardyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) jáne 519-baptary (Sheteldik jumys kúshin jáne eńbekshi kóship kelýshilerdi Qazaqstan Respýblıkasynyń zańnamasyn buza otyryp tartý) boıynsha jaýapqa tartyldy», - deıdi.
Munaıly mekenge sheteldikterdiń shekten tys qyzyǵýshylyǵy baryn Atyraý qalasynyń ákimi Serik Shapkenov te jasyrmady. Halyqqa esep berý jıynynda shahar basshysy: «О́tken jyly qala aýmaǵyna 108 myńnan astam О́zbekstan azamaty kirgen bolsa, onyń 41 myńy osynda jumys isteýge ótinish bildirgen. Qazirdiń ózinde 100-den astam adam turǵylyqty turýǵa nıetti ekenderin aıtsa, 200 adam Qazaqstan Respýblıkasynyń azamattyǵyn alýǵa ótinish berip otyr», - dedi.
Jergilikti jastardyń qara jumysqa qulyqsyzdyǵyn osy eńbek mıgranttarynyń elimizge kóp kelýimen de baılanystyrýǵa bolatyn syndy. О́ıtkeni, Atyraý aımaǵyna eńbek kvotasymen kelgen ózbekstandyq azamattardyń deni sharýa qojalyqtarynda qara jumys istep júr. Al atyraýlyq jastar jalaqysy kóp munaı kompanııalaryna ǵana barǵylary keledi, aýylǵa baryp mal baqqannan qalada bir mekemeniń esigin kúzetkendi jón kóredi.
Jıynda ótken jyly qala boıynsha 16 036 jańa jumys orny ashylyp, 1203 adam aqyly qoǵamdyq jumysqa, 520 adam jastar tájirıbesine tartylǵany da aıtyldy. «Qazir eńbek etemin degen adamǵa tolyq jaǵdaı jasalǵan. Jumys isteımin degen kisige, jumys bar»,- dep senimdi sóıledi Serik Shapkenov. Resmı statıstıkaǵa súıensek búgingi kúni oblys halqynyń 4,9 paıyzy jumyssyz.
Baqytgúl BABASh,
«Egemen Qazaqstan».
ATYRAÝ.
