О́skemendegi Jańa Sogra kentinde ornalasqan Muhamet Shaıahmetov atyndaǵy eki tilde bilim beretin orta mektepke qosalqy 300 oryndyq ǵımarattyń qurylysy bastaldy. «Qala jyldan jylǵa ulǵaıyp keledi. Jańa Sogra kentindegi halyq sany da kóbeımese kemigen joq. Onyń jarqyn kórinisi - búgingi №23 mekteptiń qosalqy qurylysy. Byltyr О́skemende memlekettik tilde oqytatyn myń oryndyq eki mekteptiń qurylysy bastaldy», - dedi ǵımarattyń irgetasyn qalaý jáne kapsýla salý saltanatyna qatysqan О́skemen qalasynyń ákimi Qýat Tumabaev.
Jańa nysannyń qurylysyna qajetti qarjy respýblıkalyq bıýdjetten jáne «О́skemen TMK» AQ tarapynan qarastyrylyp otyr. «Jańa korpýstyń salynýyn uzaq kúttik. Sebebi bul mektep ár kezde de bilim salasynda jetistikterimen tanylyp keledi. Byltyr bilim uıasy Uly Otan soǵysynyń ardageri, osy mekteptiń birinshi dırektory Muhamet Shaıahmetovtiń esimin ıelendi. Mektep pen kombınat arasynda ózara berik baılanys ornatylǵan. Qurylystyń bastalýyna yqpal jasaǵan, bizdiń ótinish-tilekterimizdi eskergen oblys, qala basshylyǵyna alǵys bildiremiz. Kombınat óz tarapynan 26 mln teńgeni qurylysqa bólip otyr», - dedi «О́TMK» AQ prezıdenti Ásem Mamytova.
Azamat QASYM,
«Egemen Qazaqstan»
О́SKEMEN
