- О́kinishke oraı, biz jeńilýge bolmaıtyn matchta bárin qurtyp aldyq. Basyn jaqsy bastap edik, ekinshi taımda múlde oıyndy qoldan shyǵaryp aldyq. Jyldam soǵylǵan eki gol bizdiń komandany isten shyǵaryp tastady. Endi, ekinshi oıynda birdeńege áreket qylý múmkin bolmaı qaldy. Eýropalyq fýtboldyń bir ereksheligi osy, sál qatelik jasasań eshkim keshirmeıdi. Oıyn boıy 4-5 qatelik jasadyq, sonyń úsheýi qaqpamyzǵa gol bolyp endi.
- Ekinshi oıynda qandaı taktıkalyq ózgeris bola ma?
- Búgingideı qurammen shyǵamyz, ózgertetin eshteńesi joq. Tek qateliksiz, sabyrly óner kórsetýimiz kerek. Búgingi matchta qorǵaýshylarymyz sasqalaqtap ketti. Sonyń saldarynan búkil jasaǵan oıynymyzdan aıyrylyp qaldyq. Onyń ústine bizdiń demeýshimiz qarjyny der kezinde bermedi. Beremiz degen syıaqysyn da bermedi. Eshkimniń de komandanyń odan ári damyǵanyn qalamaıtyn sekildi. Bulaı jalǵasa beretin bolsa men ózimniń bolashaǵymdy bul komandamen baılanystyrmaıtyn da shyǵarmyn. Qarymta oıynnan keıin oılanyp kóremin.
- Ulttyq quramanyń bas bapkerligine basty kandıdat ózińizsiz. «Astanadaǵy» qarjylyq jaǵdaıdyń nasharlyǵynan keıin, jumys aýytyrý týraly oılamaısyz ba?
- Demeýshilerimiz barlyq máseleni sheshetin shyǵar dep oıladym. Alaıda, olaı bolmady. Jalaqyny úsh aı boıy almaǵan kezderimiz boldy. Syıaqy týraly múlde aıtpaı-aq qoıaıyn. Komandany osynshama ýaqyt damytyp kelip, búr kúnde qurta salý janyma qatty batady. Odan keıin «Astanany» qaıtadan nolden qaıta kóterý qajet bolady. Al Ulttyq quramaǵa keletin bolsaq, bálkim ol jaqta da osyndaı sharýalar oryn alatyn bolsa, onda men oılanbastan bas tartamyn. Eger jaqsy usynys túsip, búkil máseleni sheship, jumys isteýge múmkindik berse men oılanýǵa daıynmyn. Qazaqstan quramasynyń bas bapkeri bolýǵa qarsy emespin.
Ermuhamed MÁÝLEN
