«AHQO ákimshiligi» AQ sıfrly tehnologııalar jónindegi dırektory Ásel Jıenbaevanyń aıtýy boıynsha, akselerasııalyq baǵdarlama ınnovasııalyq sheshimderdi jınaqtaýdy jáne álemdik fınteh kompanııalardyń ózara árekettesýine arnalǵan platforma jasaýdy kózdeıdi.
«Startap jobalarmen jumys isteýde zor tájirıbege ıe SeedStars sekildi álemdegi úzdik kompanııamen birlesip Qazaqstanda akselerasııalyq baǵdarlamany iske qosý, bizge qarjy tehnologııalary ekojúıesin damytý boıynsha belgilengen maqsattarǵa qol jetkizýge kómektesedi», dedi Á. Jıenbaeva.
Baǵdarlama 10 startap-jobany qarjylandyrý múmkindigin beredi, sondaı-aq kásipkerler óz salasynyń eń úzdik sarapshylarymen birlesip óz jobalarymen jumys isteý múmkindigine ıe bolady, olarǵa bıznes-prosesterdi qalaı durys júzege asyrý jáne básekelik naryqta qalaı jumys isteý kerektigin úıretedi. Bul baǵdarlamanyń bilim berý bóligi tıimdi ári sátti startaptardy damytýdyń basty kilti bolyp sanalady.
Seedstars kompanııasynyń ókili Igor Ovcharenko baǵdarlama aıaqtalǵannan keıin startaptar, olardyń tabysty bolýy, jedel damýy men ósýine baılanysty Seedstars Investor Club-tan, MOST bıznes-jebeýshiler qaýymdastyǵy men seriktesterden 350 myń AQSh dollary mólsherinde ınvestısııalarǵa ıe bola alatyndyǵyn atap ótti.
«Biz ózimizdiń Ortalyq jáne Shyǵys Eýropadaǵy alǵashqy akselerasııalyq baǵdarlamanyń dál Qazaqstanda iske qosylýyna óte qýanyshtymyz, óıtkeni osy jerde AHQO bazasynda quqyqtyq óris jáne startaptarǵa memleket tarapynan qoldaýdyń bolýy turǵysynan biregeı ınfraqurylym qurylýda. Biz ózimizdiń halyqaralyq tájirıbemiz ben baılanystar jelisin paıdalana otyryp, akselerasııadan ótetin fınteh startaptardy jyldam damytýǵa múmkindik jasaımyz», – dedi I.Ovcharenko.
«Búgingi tańda MOST kásibı mentorlyq saraptamanyń negizin qalady, qarjy baǵyty boıynsha birlesip áreket jasý úshin álemniń ár túkpirinen jáne Qazaqstannan ártúrli salalardyń úzdik mamandardyń basyn qosty jáne osy adamdardy FintechStars jobasyna jumyldyrdy. Akselerasııalyq baǵdarlamasynda biz startaptarǵa jergilikti saraptama men mentorlardy usynamyz. Olardy oqytý prosesine qatysyp, netvorkıng quramyz,
tartaptardy qazaqstandyq naryqtaǵy klıentter men seriktesterimen tanystyramyz», deıdi MOST bıznes-ınkýbatorynyń bas dırektory Álim Hamıtov.
