Ol kezde keńestik ıdeologııa bolǵandyqtan memlekettiń saıasatyna qarsy keletin ár sózdi jiti qadaǵalap otyratyn. Biraq redaktorlardyń óz múddesi bolatyn. Ol aldyna kelgen shyǵarmany jaqsy etip shyǵarý, ıa nashar shyǵarmalardyń jaryq kórýine jol bermeý. Men biletin myqty redaktor – Beksultan Nurjeke-uly. Ol kisi meniń eki kitabyma redaktor boldy. О́zi baspanyń bas redaktory edi. Sonda ár sózdiń óz ornynda turýyna, ár sóılemniń durys qurylýyna asa mán beretin.
Redaktorlyq degen – adam boıyndaǵy qasıet. Jazýshy ózi sezbegen, bilmegen dúnıeni redaktor túısigimen sezip, kóre alady. Basy artyq sóz, tipti, bir oqıǵa shyǵarmadan oqshaý, bultıyp turýy múmkin. Tipti kerisinshe oqıǵalardy baıyta túsip, qalamger kótergen máseleni damytýǵa týra keledi. Osyndaı eskertýler jazýshy úshin kerek. Redaktor qatal, ári janashyr. Jazýshyǵa jamandyq oılaǵannan shúılikpeıdi. Kerisinshe jaqsysyn jarqyratyp kórsetýge kúsh salady. Keńes zamanyndaǵy redaktorlarda osy qasıet boldy ma bilmeımin. Biraq dos-redaktorlar boldy.
Ábdijámil Nurpeıisovtiń «Qan men ter» romany óndiriske ketip bara jatqanda, Zeınolla Qabdolov birneshe jerine eskertý aıtypty. Sonda Nurpeıisov óndiristegi jumysty toqtatyp qoıyp, romanyn túzedi. Qadyr Myrzalıev «Juldyz» jýrnalyna jumysqa turǵanda Qalıhan Ysqaqtyń tartpada jatyp qalǵan «Qońyr kúz edi» povesin taýyp alyp, jýrnalǵa bastyrady. Keıin sol shyǵarmasynan bastap Qalıhan Ysqaqtyń aty shyǵa bastaıdy. Bul kóre bilý. Jaqsy shyǵarma tartpada nege uzaq ýaqyt jatyp qalǵan? Sony kóre biletin redaktordyń bolmaǵanynan. Buǵan ádebı tanym, talǵam kerek.
Ádebı redaktorlyq degen, tipti memleket múddeli bolatyn kásip. О́ıtkeni ádebı redaktor bolsa, qazirgideı haltýra qaptap ketpeıdi. Iа jarymjan, shıki dúnıeler shyqpaıdy.
Nesipbek DÁÝTAIULY,
jazýshy
