Naýryzdyń biri keldi.
Kóktem qyz taqqa otyrdy búgin endi.
«Aı, áıel bastaǵan kósh ońbaıdy» — dep,
Kári Qys qý janynan túńiledi.
Ishinen qaıtalaıdy «áttegenin»,
Sonda da estip qaldym «Qap...» degenin.
О́z qyzy ǵoı.
Biraq ta perzentke de,
Qııatyn dúnıe me taq degeniń...
Bılikten aırylý da ońaı emes...
О́tedi kóz aldynan talaı eles.
Áli de borandatyp kórý kerek,
Berile salǵan birden qolaı emes...
Kóktemniń keremetin qara da da tur,
Bir ádemi yńyl bar dalada kil...
...Árleý úshin ulyqtaý saltanatyn,
Alystan ánshi-kúıshi kele jatyr.
Quryǵynan qashtym da saıaq muńnyń,
Kóńilimmen anaý qyrdy boıap, kúldim.
...Qansha tuıaq seripse de dáýreni ótken,
Qysty da bir jaǵynan aıap turmyn...
Baýyrjan BABAJANULY
Kóktem áli kelgen joq...
Kóktem áli kelgen joq,
Shýlamańdar,
Shýlamańdar, bekerge, shýly alańdar.
Unatpaıdy kóktemniń kelgendigin
Qýraǵan shóp, qartaıyp qýraǵan tal.
О́zgerip te ketken joq ómir, dara,
О́zgergeni bolmasa óńir ǵana.
Kóktem keldi – degeni,
Myna jurttyń,
Kúntizbege aldanǵan kóńil ǵana.
Jatqan bolar keshigip,
Kim biledi?!
Jurtqa salsań osy ǵoı...
Búldiredi.
Kerim sulý – kóktemniń kelgendigin
Birinshi bop – báısheshek bildiredi.
О́mir degen, bolǵan soń oı alańy,
Suraqtaryn pendeler qoıady áli.
Keler bolsa shynymen kóktem kúlip
Aldymenen aǵashtar oıanady.
Biz emespiz izdeıtin, tabatyn da,
Biz emespiz sóndirip, jaǵatyn da.
Ánge bólep jiberer aınalany
Kóktem – degen, qustardyń qanatynda.
Shuǵylasyn baılaǵan burymyna
Sendirmeıdi kúnniń de nury myna.
Kóktem keldi – degeniń,
Bar bolǵany,
Nazymqońyr Naýryzdyń biri, ǵana!
Álibek ShEGEBAI
Naýryzdyń biri me, erteń?..
Turǵany-aı bir sezimniń alyp qashyp,
Kóshege shyǵaıyqshy kúlip, erkem,
Kóktemkóz ǵashyqtardaı qol ustasyp!
Bala gúl kóńilindeı,
Aq júzińde alqyzyl ot almasyp,
Kóktemniń eń alǵashqy sherýinde,
Qaıyńdarmen júreıik qatar basyp!
Moınyńda kúlgin shəli,
Jasyl kóılek – jańa uran kórikke shyn,
Kúlkińdi sandýǵash pen bulbul salyp,
Gúlder nəziktigińe eliktesin.
Iyqqa qustar qonyp,
Buıyqqan dúnıe bizge eleńdesip,
Seni kórgen adamdar qushtar bolyp:
«Aqynnyń jary, shirkin, óleń!» desin.
Sen sonda əntek kúlip,
Kózińniń jorta qara shalǵaıynan,
Men, bolsam, júrekterdi órtep turyp,
Súıermin sol óleńniń mańdaıynan.
Kóktemniń biri me, erteń,
Sət pe bul qystyń sońǵy keshi kirgen?!.
…Kóresiń, bir kóktemdi túbinde, erkem,
Men seniń atap ketem esimińmen!
Erlan JÚNIS
***
1-shi martqa bılet aldy kóktem,
Men kútip júrgen jan-tyn ol-dy kópten.
Sonshalyq tózim bergen, sezim bergen,
Mahabbat məńgi netken, məńgi netken!
Mıras ASAN
***
Aqpannyń sońy — aq qardyń sory,
Baqtardyń bárin jylatqan.
Sýsıdy kórpe japqan kúlteli,
Syńsıdy sylqym bulaqtar.
Naýryzdyń basy — jalǵyzdyń jasy,
Qar qyzdyń qosh bol degeni.
Aǵyl da tegil taý-quzdyń basy,
A-ha-haı kóktem keledi!
Kerilip shyqty kerim bel aldan,
Tebindep óskin qulyn jal.
Meniń de qarǵam kóńilde janǵan,
Sezimge malǵan jyrym bar.
Jymııa keldi, qıyla keldi,
Quıyla keldi tumaǵa.
Bizge de bir baq buıyrady endi,
Býlyǵyp, sáýlem, jylama.
Sol eski jyrdyń jalǵasy qalǵan,
Qysyrdaı qylpyp túlep em.
Bıylǵy jyldyń tól basy bolǵan –
Bulqynyp týǵan bul óleń.
Qaısar QAÝYMBEK
