Saqtandyrý júıesin jetildirýge baǵyttalǵan zań jobasynyń bas­ty jańa­lyqtary

«Qazaqstan Respýblıkasynyń keıbir zańnamalyq aktilerine saqtandyrý jáne saqtandyrý qyzmeti máseleleri boıynsha óz­ge­rister men tolyqtyrýlar engizý týraly» zań jobasyn palatanyń jalpy otyrysynda Qazaqstan Res­pýblıkasy Ulttyq Bankiniń tór­aǵasy Danııar Aqyshev tanys­tyr­dy. Ulttyq Bank basshysy Má­jilis depýtattaryna zań joba­synyń maqsaty halyqtyń múd­desin qorǵaýdy qamtamasyz etý jáne saqtandyrý naryǵyn damytý salasyndaǵy zańnamany jetildirý bolyp tabylatynyn aıtty.

Shartty túrde zań jobasynda 5 negizgi toptamany bólip aı­týǵa bolady. Birinshiden, bul – on­laın-saqtandyrýdy engizý. Ekin­shiden, shetelge shyǵatyn qazaq­standyqtardy saqtandyrýǵa qoıy­l­atyn tásilderdi ózgertý. Úshin­shiden, mindettelgen saqtan­dy­rýdy engizý. Tórtinshi toptama saqtandyrý ombýdsmeniniń fýnk­sııalaryn keńeıtý arqyly sot­qa deıingi retteý tetigin jetil­dirýge arnalǵan. Sońǵysy ómird­i saqtandyrýdyń áleýmettik ma­ńyzdy túrleri boıynsha qosymsha kepildik berý júıesin keńeıtýge baǵyttalǵan.

Saqtandyrýdaǵy sıfrlandyrý

Zań jobasynyń bas­ty ja­ńa­lyqtarynyń biri – tutynýshylar kópten beri kútip otyrǵan onlaın-saqtandyrýdy engizý.

Bankterde onlaın-qyzmetterdi usynýdyń túrli nysandary burynnan endirilip, sátti paıdalanylatyny belgili. Saqtandyrý nary­ǵynda zańnamanyń erek­shelik­terine qaraı onlaın-qyzmetter áli tıisinshe damymaı otyr.

Ulttyq Bank basshysy Qa­zaq­standa qarjylyq qyzmetterdiń óńirlerde, birinshi kezekte, oblys ortalyqtarynan tys jáne aýyldarda qoljetimdiligi týraly máseleniń ózekti ekendigin eske saldy. Saqtandyrýdy aıtpa­ǵan­­nyń ózinde bazalyq bank ónim­derine qoljetimdiliginiń bol­maýyna mysaldar kóp.

– Fılıaldar men ókil­dik­terdi ashý arqyly qarjy ıns­tı­týt­tarynyń óńirlik deńgeıde qa­tysýyn keńeıtý árdaıym múm­kin bolmaıdy. Bankter jáne saq­tandyrý kompanııalary jeke ınstı­týttar bolyp tabylady jáne olar­dyń qyzmeti shyǵyndardy ońtaı­landyrýǵa baǵyttalǵan. Son­dyqtan suranys pen ren­ta­bel­dilik jetkiliksiz bolǵan kez­de olar óńirlerde qatysýyn edáýir azaı­tady. Bul oraıda eń oń­taıly she­shim saqtandyrý salasyn jedel sıfr­landyrý bolyp tabylady. Bul aza­mattarymyz úshin saqtandyrý qyz­metteriniń geogra­fııalyq qol­jetimdiligin qamta­masyz etýge jaǵdaı jasaıdy jáne búkil rásimderdi tezdetedi, – dep atap ótti Danııar Aqyshev.

Ulttyq Bank tóraǵasynyń aı­týynsha, bul jobanyń tabysy­na ınternettiń, onyń ishinde ǵa­lam­tordyń shalǵaı aýdandarda zamanaýı ený deńgeıi yqpal etedi.

– Nelikten biz mundaı jaǵdaı qalyptasady dep oılaımyz? Orta da, jaǵdaı da ózgerdi. Sıfr­landyrý jáne telekommýnıkasııalar men ınternettiń damýy barlyq sala­daǵy prosesterdi tezdetetin naqty úrdis boldy. Eger 2005 jyly ha­lyqtyń 4 paıyzy ǵana ınter­net paıdalanýshysy bolsa, búgin­de 80 paıyzǵa jýyǵy paıdalanady. Túzetýlerdiń maqsaty – saq­tan­dyrý qyzmetterin alǵan kezde bizdiń azamattarymyz úshin qolaı­ly jaǵdaılar jasaý. Halyq pen ká­siporyndar saqtandyrý kom­pa­nııasynyń ofısine barmaı jáne agentterdiń deldaldyq qyz­metterin paıdalanbaı-aq sharttardy ınternet arqyly jasaı alady, – dep atap ótti ol.

Zań qabyldanǵannan keıin shal­ǵaıdaǵy eldi mekender turǵyn­daryna oblys ortalyǵyna saqtan­dyrý polısine barý nemese del­daldardyń qyzmetterine júginý qajet bolmaıtyn jaǵdaılar jasalady dep kútiledi. Bolashaqta del­dal­dardyń bolmaýy saqtandyrý qujaty qunynyń tómendeýine ákeledi.

Ulttyq Banktiń derekteri bo­ıynsha, damyǵan elderde on­laın-saqtandyrý úlesi 70%-ǵa je­tedi. Reseıde avtoazamattyq jaýap­ker­shilikti onlaın-saqtandyrý 2017 jyldan beri qoldanylady.

Alaıda onlaın-saq­tan­dy­rý­dy iske qosý zańnamalyq túze­týlerdi ǵana emes, memle­kettik organdardyń ju­mysyn talap etedi. Mınıstr­­likter men ve­domstvolardyń de­rekqorlaryn yq­pal­dastyrý bo­ıynsha jumys­tar tezdetilýde. Qa­daǵalaý organ­darynyń tehnı­kalyq jabdyq­talýyn arttyrý ta­lap etiledi. Atap aıtqanda, saq­tan­dyrý jónindegi derekqorda aza­mattardyń barlyq derekterin barynsha qorǵaýdy qamtamasyz etý qajet.

Danııar Aqyshev zań jobasyn daıyndaý barysynda avtokólik ıeleriniń jaýapkershiligin on­laın-saqtandyrý tetigin tal­qy­laǵan kezde avtokólik ıelerinen po­lıstiń bar-joǵyn tekserý tetigi boıyn­sha Ishki ister mınıs­tr­ligimen aý­qym­dy jumys júrgi­zilgenin aıtty.

Avtokólik ıesi saqtandyrý kom­panııasynyń saıty arqyly saq­tandyrý polısin onlaın rejimde satyp alatyny boljanady. Budan keıin klıent Biryńǵaı saqtandyrý derekqory arqyly saqtandyrý shartynyń biregeı nómirin alady. Barlyq derekter osy derekqorda naqty ýaqyt rejiminde bolady. Biryńǵaı saqtandyrý derekqoryna onlaın-kirý esebinen jol polısııasy qyzmetkerleri táýlik boıy kez kelgen jumys nemese mereke kúni qaǵazdaǵy polısti talap etpeı, avtokólik ıesiniń saqtandyrý qujatyn teksere alady.

Kıberqaýipten qorǵaý máse­le­leri sıfrlandyrý sala­syn­daǵy jobalardy iske asyrý aıasynda asa ózekti bolyp tabylady. Osyǵan oraı onlaın-saqtandyrý Biryńǵaı saqtandyrý derekqorynyń qatań qaýipsizdik jaǵdaılaryn saqtaýdy talap etedi. Búgingi kúni bul derekqor memlekettiń menshiginde jáne saqtandyrý qupııasyn saqtaý boıynsha barlyq talaptarǵa sáıkes keledi. Bul birinshi kezekte aqparattyń saqtalýyna jáne jeke derekterge qol suǵyl­maýshylyqqa joǵary jaýap­kershilikke qatysty.

Alańsyz demalys

Qarjy naryǵyn ret­teý­shiniń taǵy bir bastamasy qazaq­standyqtardyń sheteldegi demalysy kezinde oryn alatyn problemany túpkilikti sheshýge arnalǵan. Zań jobasynda týroperatordyń jaýapkershiligin saqtandyrýdan shetelge shyǵatyn týrıstiń ózin saqtandyrýǵa ótý kózdeledi.

– Búgingi kúni týroperatordyń jaýapkershiligin saqtandyrǵan kezde saqtandyrý qujatynyń eger týroperatordyń qateleskendigi dáleldenetin bolsa ǵana jumys isteıdi, al mundaı jaǵdaı barynsha sırek bolady. Týrıst ádet­te óziniń problemalarymen, negi­zinen densaýlyqqa kel­ti­rilgen zııan­dy óteýge baılanysty prob­le­malarmen jeke qalady, – dep tú­sindirdi Ulttyq Bank tóraǵasy.

Shetelge shyǵatyn týrıster­di saqtandyrý shemasynyń ózgere­tini jáne tómendegideı bolatyny bol­janyp otyr: týroperator jolda­many satqan kezde týrıske saq­tan­dyrý sertıfıkatyn berý mindet­­teledi. Bul qujatta shet­elde me­­dısınalyq qyzmetke qol jet­kizý boıynsha kómekti táýlik boıy re­­jiminde uıymdastyratyn halyq­­aralyq kompanııalardyń baı­­lanys derekteri kórsetiletin bolady.

Shetelde saqtandyrý oqı­ǵasy bastalǵan kezde týrıst me­dısı­­nalyq qyzmetterge, jedel medı­­sınalyq kómekke jáne elge qaı­ta oralýǵa aqy tóleý boıynsha shyǵystardy kótermeıdi. Bul shy­ǵys­tardy saqtandyrý kompanııasy týrıske kómek kórsetetin ha­lyq­aralyq kompanııa arqyly óteıdi.

Týroperator úshin saqtandyrý quny joǵary bolmaıdy dep kútiledi – shamamen kúnine 320 teń­ge. Bul rette saqtandyrý ótemi 3 – 16 mıllıon teńge aralyǵynda bo­­lady. Mundaı saqtandyrý qu­ja­­ty týroperatorlardyń qyzmet­terine júginetin týrıster úshin ǵana qajet. Týroperatorlarǵa jú­­gin­­beıtin týrıster jáne shet­elge óz­deri baratyn azamattar óz jaý­ap­­ker­shilikterin derbes kóte­redi jáne memleket olardyń saq­tan­dyrylýyn mindetteı almaıdy.

Máselege jeke kózqaras

Ulttyq Bank basshysy Par­lament depýtattaryn ja­ńa zań jobasynda engiziletin min­det­telgen saqtandyrýdyń máni jaıynda habardar etti.

Kóptegen damyǵan elder­diń tájirıbesi dástúrli mindet­ti saqtandyrýdan onyń túrlendi­rilgen túri – mindettelgen saqtan­dyrýǵa kóshý úrdisin kórse­tip otyrǵany belgili. Mysa­ly, Fransııada mindetti saqtan­dy­rý­dyń 120-dan astam túri bar, onyń tórteýin ǵana Saqtandyrý kodeksi ret­teıdi, ıaǵnı jeke zańnamalyq akt deńgeıinde retteledi.

Danııar Aqyshev mindettelgen saqtandyrý – bul jekelegen ma­man­dyqtar úshin mindetti bolyp ta­bylatyn, biraq onyń talaptary tikeleı zańda emes, saqtandyrý kompanııasy men onyń klıenti arasyndaǵy shartta aıqyndalatyn saqtandyrý ekendigin túsindirdi. Máselen, mindetti saqtandyrý ke­zinde saqtandyrýdyń barlyq talaptary, tarıfteri men tólemderi jekelegen zańdarda belgilengen. Mundaı tásil saqtandyrýdyń stan­dartty jáne jappaı túrleri jaǵ­daıynda ózin ózi aqtaıdy. Alaı­da saqtandyrýdyń jekelegen túr­lerinde ıkemdilik qajet, ıaǵnı klıentke jáne onyń táýekelderine jeke qaraý kerek bolady.

– Mindettelgen saqtandyrýdy engizý saqtandyrý kompanııasyna da, onyń klıentine de shartta saq­tandyrýdyń ıkemdi talaptaryn kózdeýge múmkindik beredi. Táýekelderdiń naqty tizbesin aı­qyndaı otyryp, klıentter úshin durys tarıf belgileýge bolady. Klıentke jeke-dara qaraý tásili min­dettelgen saqtandyrýdyń negiz­gi artyqshylyǵy bolyp taby­lady, – dep atap ótti qarjy ret­teýshisiniń basshysy.

Sotqa deıingi tártip negizinde

Birinshi oqylymda maqul­danǵan zań jobasy sotqa deıingi retteý ınstıtýtyn damytý úshin saq­tandyrý ombýdsmeniniń qyz­metin keńeıtýdi kózdeıdi.

Búgingi kúni daýlardy retteý ıns­tıtýty saqtandyrý ombý­ds­meni arqyly jumys isteıdi. Bul ıns­tıtýt Qazaqstanda 2007 jyldan beri bar. Ol bastapqyda saqtan­dy­rýshylardyń óz aralaryn­daǵy, sondaı-aq saqtandy­rý­shylar men kólik quraldary ıe­leriniń azamattyq-quqyqtyq jaýap­ker­shiligin mindetti saqtandyrý (KQI AQJM) polısterin ustaý­shy – olardyń klıentteri qarym-qaty­nas­taryndaǵy daýly jaǵdaılardy qaraý úshin quryldy. Osylaısha, osy ýaqytqa deıin ombýdsmenniń ókilettikteri avtokólik ıeleriniń ja­ýapkershiligin saqtandyrýǵa ǵa­na qoldanyldy. Saqtandyrý zań­na­­masyna túzetýler ombýdsmenniń óki­­lettikterin saqtandyrýdyń óz­ge de túrlerine qoldanýdy kóz­deı­di.

Zań qabyldanǵannan keıin saq­tandyrý kompanııasynyń klıenti saqtandyrýdyń kez kelgen túri bo­ıynsha tólem mólsherimen ke­lispegen jaǵdaıda saqtandyrý ombýdsmenine qorǵaý úshin júgine alady. Atap aıtqanda, ombýdsmen jeke tulǵalar men shaǵyn kásip­oryndardyń daýlaryn qaraı­tyn bolady. Halyqaralyq tájirıbege qaraı ombýdsmen qa­raý­ǵa ýákiletti daýlar somasyna lımıt belgilendi. Ol 10 myń aı­lyq eseptik kórsetkishti nemese 24 mıl­lıon teńgeni quraıdy.

Memlekettiń kepildigi arqyly

Saqtandyrý naryǵynyń oıyn­shylarymen ózara qarym-qaty­nas­tarda azamattardyń múddesin qorǵaý maqsatynda zań jobasyn­da ómirdi saqtandyrýdyń áleýmettik-mańyzdy ónimderi boıynsha saq­tandyrý tólemderine qosymsha ke­pildik engiziledi.

– 2015 jylǵy mamyrda qyz­met­kerdi óndiristegi jazataıym oqı­ǵadan mindetti saqtandyrý jónin­degi zańnamaǵa ózgerister en­gi­zil­gen bolatyn. Qurmetti depý­tat­tar, bul zań sizderdiń esteri­ńizde. Biz ony Parlamentte kóp tal­qy­ladyq. Memleket, jumys berý­shi jáne saqtandyrý kompanııa­sy ara­syn­daǵy jaýapkershiliktiń oń­taı­ly teńgerimi tabyldy. Bul jú­ıe­­niń bolashaqtaǵy ornyq­ty­lyǵyn qam­tamasyz etýge múm­kind­ik berdi, – dep eske saldy Danııar Aqyshev.

Alaıda, onyń aıtýynsha, an­nýıtetter boıynsha jı­naq­tar úshin kepildiktiń qosymsha tetikteri qajet. Osy maqsatta zań jo­ba­synda qordyń zeınetaqy an­nýıtetteri jáne jumys isteý qabi­letin joǵaltqan qyzmetker­ler­diń annýıtetteri boıynsha saq­­tandyrý tólemderine qatysty min­det­­temelerdi oryndaýǵa kepil­digi kóz­delgen. Bul tetik saqtan­dyrý kom­panııalary taratylǵan jaǵ­­daıda prosestiń onyń klıent­teri­ne barynsha aýyr bolmaýy úshin qoldanylady dep bolja­nady. Kepildik saqtandyrý kompanııasyn taratý kezeńinde onyń barlyq mindettemeleri basqa saqtandyrý kompanııasyna berilgenge deıin qoldanylady. Bul túzetýler alý­shylardyń qordan óz aqshasyn ýaq­tyly alýyna múmkindik beredi.

Zań jobasy saqtandyrý nary­ǵynyń odan ári tolyqqandy damýy úshin jaǵdaılar jasaýǵa ba­ǵyt­talǵan basqa da birqatar túze­týlerdi kózdeıdi.

Ujymdyq eńbek nátıjesi

Ulttyq Bank tóraǵasy Májilis depýtattaryna zań jobasyn ju­mys toby qaraǵan kezde toptyń ony jaqsartýǵa baǵyttalǵan ju­mysy úshin alǵys bildirdi.

– Úkimet zań jobasyn Má­jiliske engizgennen keıin jumys tobynyń sheńberinde zań jobasyn jaqsartý jóninde qomaqty jumys júrgizildi. Jumys tobynda talqylanǵan barlyq usynystary úshin Májilis depýtattaryna alǵys bildirgim keledi. Munyń azamattarymyzdy qorǵaýdy odan ári kúsheıte túsetini sózsiz, – dep atap ótti Danııar Aqyshev.

О́z kezeginde Parlament Má­ji­lisiniń depýtaty, Qarjy jáne bıýd­jet komıtetiniń múshesi Sergeı Sımonov jumys tobynyń zań jobasyn qaraý kezinde shyn máninde úlken jumys atqarǵanyn aıtty. Onyń sózine qaraǵanda, depýtattardyń, memlekettik organdar, sondaı-aq úkimettik emes uıymdar ókilderiniń qatysýymen jumys tobynyń jeti otyrysy ótken. Depýtattardyń 200-ge jýyq usynysy qaralǵan. Sonymen birge ústimizdegi jylǵy 2 aqpanda osy zań jobasyn talqylaý sheńberinde Ulttyq Banktiń, ortalyq mem­le­kettik organdardyń jáne saq­tandyrý naryǵy ókilderiniń qaty­sýymen «Nur Otan» partııasy fraksııasynyń janyndaǵy Eko­nomıkalyq saıasat jónindegi ke­ńes pen Qarjy jáne bıýdjet ko­­mı­tetiniń birlesken otyrysy ót­ki­zilgen.

Májilis depýtaty jumys toby qyzmetiniń jalǵasatynyn jáne zań jobasyn ekinshi oqylymǵa qaraýǵa daıyndaý sheńberinde qujat depýtattar aıtqan usynystar men eskertýler eskerile otyryp py­syq­talatynyn atap ótti.

– Búgin áriptester saqtandyrý qyzmetterin tutynýshylardyń qu­qyqtaryn qorǵaýdy kúsheıtý, saq­tandyrý jaǵdaılaryn jaqsartý jáne halyq pen bıznes úshin saq­tandyrý ónimderiniń qunyn tómen­detý, saqtandyrý naryǵynda ádil bá­se­kelestikti damytý jáne t.b. jó­nindegi máselelerdi kóterdi. Ekinshi oqylymǵa deıin jumys tobynyń otyrystarynda biz bul máselelerdi ázirleýshi­lermen, saqtandyrý naryǵy­nyń qatysý­shylarymen birlesip muqııat qaraımyz jáne zań joba­synyń tıisti normalaryn py­syq­taımyz, – dep qorytyndylady ol.

Parlament Májilisiniń de­­pý­taty, Zańnama jáne sot-qu­qyq­­­­tyq reforma komıtetiniń mú­shesi Snejanna Imasheva da pa­l­a­­ta­nyń otyrysynda zańna­malyq túze­týlerdiń jobasyn tolyq qol­daıtynyn málimdedi. Par­la­ment depýtaty zań jo­ba­synyń saq­tandyrý sektoryn retteýdiń keı­bir problemalaryn joıýǵa, onyń tıimdiligin arttyrýǵa jáne ha­lyq tarapynan senim deńgeıin ul­ǵaıtýǵa baǵyttalǵanyn atap ótti.

– Biz qarastyryp otyrǵan zań jobasy saqtandyrý uıymdaryn quqyqtyq retteýdiń tıimdiligin arttyrý, saqtandyrý naryǵy qa­ty­sýshylarynyń qyzmetin qadaǵalaý tásilderin kúsheıtý maqsatynda ázirlendi. Bul ulttyq saqtandyrý naryǵyn nyǵaıtýǵa jáne senim deńgeıin arttyrýǵa múmkindik beredi. О́temdik, jınaqtaý jáne ınvestısııalaý fýnksııalaryn oryndaı otyryp, bul segment eko­no­mıkanyń turaqty ósimin qamtamasyz etýge tıis, – dedi Sne­janna Imasheva.

Saqtandyrý – qarjy sektory­nyń áleýeti óte joǵary, bolashaǵy bar salasy. Osy baǵyttyń tabysy kóptegen faktorlarǵa, onyń ishinde zańnamalyq baza­ny damytýǵa, salyq-bıýdjet já­ne aqsha-kredıt saıasatynyń tıimdiligine, kórsetiletin saqtan­dyrý qyzmetterin qadaǵalaý sapa­syna, qarjy uıymdarynyń jaı-kúıine jáne t.b. baılanysty.

Bul jumystyń Eýrazııalyq ekonomıkalyq odaq (EAEO) sheń­­berindegi kúsheıip otyrǵan yq­pal­­dasý prosesteriniń aıasyn­da, son­daı-aq Qazaqstannyń Dúnıe­jú­zilik saýda uıymyna kirýine baılanysty erekshe mańyzy bolady.

2020 jyly Qazaqstannyń DSU-ǵa kirýi sheńberinde ótpeli ke­zeń aıaqtalatyny belgili, ol aıaq­tal­ǵan soń elde birqatar talaptar­ǵa sáıkes keletin sheteldik saqtan­dyrý kompanııalarynyń tike­leı fılıaldaryn ashýǵa ruq­sat eti­ledi. Bul naryqtaǵy báse­ke­lestik deńgeıin arttyrady jáne otandyq kompanııalardan osyǵan barynsha daıar bolýdy talap etedi.

– Eýrazııalyq ekonomıka­lyq odaq sheńberindegi yqpaldasý prosesteri jaǵdaılarynda jáne jahandyq úderisterde, sondaı-aq elimizdiń Dúnıejúzilik saýda uıymyna kirýine baılanysty saqtandyrý naryǵyn damytý óte mańyzdy prosess bolyp tabylady. Sonymen birge, saqtandyrý talaptaryn jaqsartý, adal báse­kelestikti damytý, saqtandyrý qyzmetterin alýshylardy qorǵaý maqsatynda zań jobasynyń keıbir normalaryn pysyqtaý qajet. Bul rette zań jobasynda keıbir normalardy naqty tujyrymdaý da kerek. Bul bolashaqta saqtandyrý qyzmetin retteýge, saqtandyrý na­ryǵy qatysýshylarynyń múd­delerin qorǵaýdy kúsheıtýge jáne saqtandyrý naryǵyndaǵy prob­le­malardyń aldyn alýǵa múmkindik beredi, – dedi Májilis depýtaty.

Qazaqstan Respýblıkasy Parlamenti Májilisiniń Áleý­mettik-mádenı damý komıtetiniń múshesi Baqytbek Smaǵulov ta Ulttyq Bank ázirlegen zańdy qol­dady, onyń normalarynyń «qar­jylyq qyzmetterdi tutyný­shy­lardyń quqyqtaryn qorǵaýǵa jáne olardy iske asyrýdyń tıim­di tetikterin qurýǵa múmkindik beretinin» atap ótti.

Ol onlaın-saqtandyrý tetigin engizý perspektıvalary­na erekshe toqtady, onyń «Sıfrly Qazaq­stan» memlekettik baǵdarlamasy sheńberinde qoıylǵan mindetterge tolyq sáıkes keletinin aıtty. Sondaı-aq Májilis depýtaty shet­elge shyǵatyn, óz problemasymen ózi qalmaýǵa tıis týrısterdi saq­tandyrý júıesin jetildirýdiń mańyzdylyǵyn atap ótti.

Depýtat sózin aıaqtaı kele, Memleket basshysynyń memle­ket­tik tildiń mártebesin arttyrý, onyń ishinde Úkimet pen Par­lamenttiń jumysynda paıdalaný týraly tapsyrmasynyń iske asyrylyp jatqanyna qana­ǵat­tanatyny týraly pikir bildirdi.

– Laýazymdy jaýapty qyz­met­te júrgen azamattardyń osy oraıda birinshi úlgi bolýy kerek dep oılaımyn. Danııar Talǵat­ulynyń búgingi baıandamasy óte jaqsy daıyndalǵan. Elimiz­degi eń mańyzdy ulttyq mekemeni bas­qa­ratyn azamattyń Prezıdent­tiń árbir sózin tolyq quptaıtyn azamattardyń qatarynda bolǵany abzal jáne aldaǵy ýaqytta da memlekettik tildi meńgerýge atsalysady dep senim bildiremin, – dedi Baqytbek Smaǵulov.

Betti daıyndaǵan Samat MUSA,

«Egemen Qazaqstan»