Foto: azattyq.org
Jalyndy jastar qarııanyń úı-jaıyn tazalap, ishki jaqtaýlaryn aqtap, ishi jyly bolý úshin terezelerin maqtamen bitep, ishki jóndeý jumystaryn júrgizdi. 74 jasty alqymdaǵan Bolysbaı ata buryn esh jerde jumys istemegen. Bul úıde 1968 jyldan beri turady. Taǵdyrdyń taýqymetine tap bolǵan jan. О́zi Aqtaý qalasynda aýrýhanada jatqandyqtan týysy Orysbaı balalardyń qaıyrymdy isterine qatty rıza boldy. Ásirese, esiktiń aldyna úıilip qalǵan kúl-qoqys pen úıdiń artqy jaǵynda jyl boıy jınalyp qalǵan turmystyq qaldyqtardy tazalaýda, aýla ishin retke keltirý isinde jastardyń qýatyna súısinip, alǵys aıtty.
Bul irgeli ister júıeli túrde utymdy uıymdastyrylyp keledi. Qart – qazyna. Baǵzy zamannan qalyptasqan, urpaqtan urpaqqa ushtasqan ómirlik maqsaty – el birligine, jer tutastyǵyna bas-kózdik, halyqtyń birligi men yntymaqtastyǵyn berik dánekerleý, ulttyq baı rýhanı qazynany shashaý shyǵarmaı saqtaý jáne molaıta túsý edi. Olar qaı kezde de osy mindetti júzege asyrýda aqylshy bola bildi.
О́skeleń urpaqqa úlkenge qurmet kórsetý, jalǵyzbasty qarttardy qurmetteý, olarǵa barynsha jaqsylyq jasaý men jastarǵa patrıottyq tárbıe berýdi maqsat etken bul aksııa jalǵasyn tabady.
«Biz bul bastamany ári qaraı jalǵastyratyn bolamyz. Búkil shyǵyndardy jastar óz qaltalarynan shyǵardy. «Jumyla kótergen júk jeńil» demekshi, bireýi ák ákelse, endi biri tereze japqysh, al qaısybiri kilem, tósenishter, kıim keshekter, dári-dármektermen qolushyn sozdy. Sharaǵa uzyn sany 15 - ke jýyq erikti qatysyp, belsendilik tanytty. Ásirese, Shetpe gımnazııasy, Shetpe lıseıi, M.Atymov atyndaǵy orta mektep pen B.Jumalıev atyndaǵy orta mektepterdiń 9-11 synyp oqýshylary, Mańǵystaý tehnıkalyq kolledjiniń 1-kýrs stýdentteri joǵary belsendilik kórsetip, janashyrlyq tanytty», deıdi eriktiler tobynyń belsendisi, B.Jumalıev atyndaǵy orta mekteptiń 10 synybynyń ozat oqýshysy Rýslan Ánetov.
Qalampyr QULMYRATOVA,
Aýdandyq jastar ortalyǵynyń mamany
Mańǵystaý oblysy,
Mańǵystaý aýdany
