«Álemdik bilim berý júıesin qurýda stýdentterdiń ómir súrý jaǵdaıy basty nazarda. Búginde JOO men kolledj stýdentterin jataqhanamen qamtý suraqtary kókeıde tur. Atalǵan máseleni sheshý maqsatynda jataqhana qurylysyn developerlik kompanııalar arqyly memlekettik-jeke menshik seriktestik tetigi negizinde iske asyrý kerek. 2022 jyldyń sońyna deıin stýdentterge arnap keminde 75 myń oryndyq jataqhana salýdy tapsyramyn. Tıisti suranysty eskergenniń ózinde jataqhana tapshylyǵyn birjola sheshetin bolady», dedi prezıdent Nursultan Nazarbaev.
Aıta ketý kerek, birlesken otyrysqa Joǵarǵy Sot, Úkimet músheleri tolyq quramda, Prezıdentke tikeleı esep beretin jáne baǵynatyn organ basshylary, ulttyq kompanııalar men memlekettik uıymdar basshylary qatysyp otyr. Eske sala keteıik, 2 naýryzda Parlament Májilisiniń Tóraǵasy Nurlan Nyǵmatýlın Parlament palatalarynyń birlesken otyrysyn shaqyrý týraly О́kimge qol qoıǵan bolatyn.
Aıa О́mirtaı,
«Egemen Qazaqstan»
