«Men halqyma rızamyn. Birligin shashyratpaı júrgizgen saıasatty birdeı qoldap kele jatyr. Osyndaı halyqtyń aldynda basymdy ıip, rızashylyǵymdy ár ýaqytta bildiremin» degen Prezıdent el men jerdiń ıesi bolyp otyrǵan halyqqa bereke-birlik budan keıin de kerek ekenin atap ótti.
«Baılyq – baılyq emes, birlik baılyq. Búgingi bastamalar elmiz tutas, qoǵamymyz turaqty bolsa ǵana tabysty júzege asady. El birligi eń birinshi qazaqtyń birligi dep aıtyp keldemin. El menen elbasy birge bolǵan kezde ǵana barlyq jeńiske jete alamyz. Tabysymyzdy eselep, táýelsizdigimizdi baıandy ete túsý úshin bizge baltalasa da buzylmaıtyn berik aýyzbirshilik kerek. Muny búgin aıtyp ótkenim, mynaý aýmaly-tókpeli dúnıeniń ortasynda júrip jatyrmyz. Bizdiń ata-babalarymyz atamzamannan eki ımperııanyń arasynda ómir súrip kele jatqan halyq, ne túrli qııametti kórgen. Qazir qubylmaly zaman. Qaı jaqtan ne bolatynyn eshkim bilmeıdi. Sondyqtan judyryqtaı jumylǵan, rýhy bıik halyqty eshkim almaıdy. Másele halyqtyń kóp, azdyǵynda emes, másele – adamnyń rýhanı birliginde. Ne táýelsizdik, ne ómir joq degen qaǵıdamen ómir súrýimiz kerek. Jastardy solaı tárbıelegen jón. Bul jaǵynda olqylyqtar bar. El men jerdiń ıesi retinde Qazaqstandaǵy jaqsy men jamannyń bárine qazaq jaýapty. Osy uly jaýapkershilikti sezinip barsha ulystyń uıytqysy bolyp ózgege ónege kórsete bileıik», degen Memleket basshysy jarııalanyp otyrǵan istiń bári eldiń qamy, ásirese bolashaqty, jastardyń qamy ekenin basa aıtty.
