Oblystyq aýyl sharýashylyǵy basqarmasynyń basshysy Serik Turbekovtyń málimdeýinshe, egilgen 161,5 myń gektar kúzdik astyqtyń jaǵdaıy jaqsy. Ústep qorektendirý jumystary aldaǵy onkúndikte júrgizilmek. Tyńaıtqysh jetkilikti, qazirgi tańda 21,3 myń tonnasy qoımalarda saqtaýly. Bıyl kóktemgi dala jumystaryn júrgizýge oblysqa 38 myń tonna dızel otyny bólingen. Qoldaǵy 15006 dana traktordyń – 86 paıyzy, 2966 dana traktor soqalarynyń – 100 paıyzy, 1861 dana dán sepkishtiń - 92 paıyzy kóktemgi dala jumystaryna daıyn. «Agrarlyq nesıe korporasııasy» AQ tarapynan kóktemgi dala jumystaryn júrgizýdi nesıelendirý úshin 3,2 mlrd. teńge qaralýda.
Sondaı-aq óńirde «Shatqal» jobasy aıasynda kóshet otyrǵyzý jumystary da atqaryla bastady. Bul oraıda, bıyl eldi mekenderde 4 740 gektar jerge 1 mln 990,7 myń túp kóshet egý qaralǵan. Osyǵan baılanysty, orman sharýashylyǵy mekemelerinen kóktemde 419 myń dana, kúzde 1 mln 572 myń kóshet tegin bosatylatyn bolady.
Ǵalymjan ELShIBAI,
«Egemen Qazaqstan»
