Memleket basshysy óz sóziniń kirispesinde naýryzdyń erekshe aı ekenine toqtaldy. Taıaýda, 1 naýryzda Alǵys aıtý kúnin toıladyq. Sondaı-aq bul kún Qazaqstan halqy Assambleıasynyń qurylǵan kúni. Bul kún áleýetti jáne jaýapty tulǵalary bar, tarıhyn biletin jáne onymen maqtanatyn biryńǵaı ult ekenimizdi kórsetedi.
Búginde Qazaqstan halqy Assambleıasy turaqtylyqtyń, jańǵyrýdyń jáne damýdyń uıytqysy bolýda. Senim, dástúr, transparenttilik, toleranttylyq – Elbasynyń ólsheýsiz eńbeginiń arqasynda damyǵan memleketke aınalýymyzdyń negizi boldy. Táýelsiz Qazaqstanda barsha etnostar biryńǵaı ult retinde erkin ómir súredi.
Elbasy aıtqandaı, «Qazaqstan – ortaq úıimiz» ıdeıasy jańasha maǵynaǵa ıe bolýy tıis. Qazirgi tańda júzege asyrylyp jatqan ıgi isterdiń bári Qazaqstan halqyna arnalady. Sondyqtan N.Nazarbaev Parlamentte jańa áleýmettik bastamalaryn tanystyrdy. Bul – áleýmettik jańǵyrýǵa arnalǵan aýqymdy bastama.
Prezıdent Úndeýinde qazaqstandyqtardy tolǵandyratyn mańyzdy máseleler aıtyldy. Olar: turǵyn úı alý, salyqty azaıtý, joǵary bilimniń sapasy men qoljetimdiligi, shaǵyn nesıeleý jáne eldi gazdandyrý.
Úndeýde aıtylǵan turǵyn úıge qatysty jańa múmkindikterdi bıýdjettik salada jumys isteıtin jáne orta tabysy bar qazaqstandyqtar jyly qabyldady. «7 – 20 – 25» baǵdarlamasy aıasynda árbir qazaqstandyqqa tıimdi ıpotekalyq zaım alýǵa múmkindik týady.
Elbasy Úndeýinde aıtylǵan taǵy bir mańyzdy másele – tómen jalaqy alatyn jumysshylarǵa salynatyn salyq deńgeıin túsirý. Osynyń arqasynda jumys berýshilerdi mindettemesten, eki mıllıonǵa jýyq qazaqstandyqtyń jalaqysy kóbeıedi.
Kelesi mańyzdy qadam – joǵary bilim sapasy men onyń qoljetimdiligine jasalǵan taǵy bir qadam. Bul qazaqstandyq jastardy qyzyqtyrady ári úmit syılaıdy. Bul bastama Tórtinshi ónerkásiptik revolıýsııa jaǵdaıynda qajet bolatyn myńdaǵan jańa mamandardy ázirlep shyǵýǵa múmkindik beredi.
О́zin ózi jumyspen qamtyǵan halyqqa jańa jumys ashýǵa múmkindik beretin shaǵyn nesıeleýdiń kólemin byltyrǵydan kóbeıtý de dál ýaqytynda jasalǵan sheshim boldy. О́z kásibin bastaǵan adamdardyń sany ulǵaıady, óıtkeni jumys bastaý úshin qarjy kerek ekeni belgili.
Jyl saıyn Qazaqstanda gaz óndirý kólemi ulǵaıyp keledi. Búkil oblystardy gazben qamtamasyz etý turǵyndardyń ómir súrý qabiletin arttyryp, ekologııalyq jaǵdaıǵa oń áserin tıgizetini anyq.
Halyqaralyq arenada kóptegen elder Qazaqstandy turaqty memleket retinde tanıdy. Bul – Elbasy N.Nazarbaevtyń eren eńbeginiń nátıjesi. Osy oraıda, Qazaqstan halqy Assambleıasy Memleket basshysynyń búkil bastamalaryn qoldap, Táýelsiz Qazaqstandy órkendetý men nyǵaıtýǵa úlesin qosa beredi.
Abılfas HAMEDOV,
Qazaqstan halqy Assambleıasy Tóraǵasynyń orynbasary
