Parlament palatalarynyń birlesken otyrysynda jarııalaǵan Úndeýinde Elbasy Nursultan Nazarbaev tutas elimizdiń áleýmettik jaǵdaıyn jaqsartatyn eń mańyzdy jaıttarǵa toqtaldy. Sonyń ishinde basym baǵyt, negizgi qoldaý – el erteńi sanalatyn jastarǵa baǵyttaldy.
О́zińiz oılap qarańyz, turǵyn úı nesıesin burynǵydan da qoljetimdi etý – eń aldymen, jas urpaqtyń qamy. Mektep bitirip, mamandyq alyp, úlken ómirge aralasqan jastardyń aldynan shyǵatyn eń úlken asqar – osy baspana jaıy emes pe? Qazaqtyń qanshama talantty aqyny osy baspana jyryn jyrlap ótti. Qudaıǵa shúkir, sońǵy jyldary elimizde qurylys salasy órkendep, talaı adam úıli bolyp jatyr. Al Elbasynyń jańa tapsyrmasy bul úrdisti – jastardy turǵyn úımen qamtý isin burynǵydan da jyldamdata túsetini anyq. Men osyǵan qýandym.
Elbasy kótergen ózge bastamalar da jastarǵa tikeleı qatysty. Mysaly joǵary bilim alýdyń qoljetimdiligi men sapasyn arttyryp, stýdentterdiń jataqhana jaǵdaıyn jaqsartý degen keremet emes pe? Jas kezinen kisi esigin jaǵalamaı, zamanaýı jataqhanada alańsyz bilim alǵan stýdenttiń jan-jaqty maman bolýyna jol ashylady. Jańadan qosylatyn 20 myń memlekettik grant ta bilimge qol sozǵan talapshyl jastyń qoltyǵynan demeý bolatyn úlken is. Kásippen aınalysamyn degen jandarǵa da memleket tarapynan beriletin shaǵyn nesıeniń mólsheri ólsheýsiz kóbeıgeli tur. Osy ıgiliktiń bári Qazaqstan jastarynyń aldynda jańa bir asý, senimdi serpin turǵanyn kórsetkendeı.
Aqushtap BAQTYGEREEVA,
aqyn, «Qurmet» ordeniniń ıegeri
ORAL
