Terezelerdi qyraý basyp, aıaz ár áınekke ózine tán sheberlikpen kórkemdep, bir-birine uqsamaıtyn órnekter salady. Beıne-bir qarly hanymnyń muzdan salynǵan saraıy turǵandaı. Bul mezgilde adamdar tabıǵattyń qupııasyn, erekshe bir umtylys sátterin tamashalaıdy. «Aıaz salǵan órnekter» jobasynyń dástúrge aınalyp jalǵasýy da osy sulýlyqtyń áseri.
Jýyrda Shymkent qalalyq balalar kórkemsýret mektebiniń IýNESKO Klýbyna 10 jyl tolý merekesine oraı, «On jylǵa – on is-shara!» aıasynda «Aıaz salǵan órnekter» atty oblystyq balalar shyǵarmashylyq sýret baıqaýy ótti. Kórmege 221 balanyń 300-den astam ártúrli tehnıkamen jasalǵan jumystary qoıyldy. Bul sulý kórinisterimen kóz tartarlyq sýretterdiń avtorlary – 5 pen 17 jas aralyǵyndaǵy ónerli jas daryndar. «Saq» kınostýdııasynyń dırektory Nýrıddın Patteev pen Sýretshiler odaǵynyń múshesi Serik Jorabekov jáne OQO «Jastar resýrstyq ortalyǵynyń» «Talantty jastardy qoldaý» bóliminiń ınspektory Ospan Qudaıbergenulynyń qyraǵy kózinen ótip, 28 bala jeńimpaz atandy. Jeńimpaz jas sýretshilerimizge «Saq» kınostýdııasynyń atynan N.Patteev myrza balalardyń súıip kóretin «Tompaq» fılminiń bas keıipkeri beınelengen fýtbolkalardy syılyqqa tartty. Is-shara barysynda Balalar kórkemsýret mektebiniń «Altyn júrek» belsendiler tobynyń tilshileri, mektepishilik «О́rleý» gazetiniń kezekti basylymyna materıaldar jınaqtap , kelgen qonaqtarmen suhbattasty. «Aıaz salǵan órnekter» atty oblystyq sýret baıqaýynyń qorytyndy kezeńi Ońtústik Qazaqstan oblysyndaǵy alǵashqy IýNESKO klýby Shymkent qalalyq Balalar kórkemsýret mektebi daıyndaǵan qyzyqty tosyn syılar men túrli sheberlik synyptarǵa jalǵasty.
Gúlnara Kýlıeva
ShYMKENT
