Basylymnyń habarlaýynsha mundaı sheshim Nınsıa-Hýeısk avtonomdy aımaǵynda qabyldanǵan. Ýchjýn jáne Inchýan okrýgyndaǵy meıramhanalar men dúkender arab tilindegi halal sózin alyp tastaýǵa mindetteldi. Endi bul sóz ıeroglıf jáne pının arqyly jazylmaq. Osyǵan baılanysty qazir sýpermarketterde arabsha halal sózi jazylǵan taýarlar sórelerden ýaqytsha alynyp tastaldy.
Aıta keterlik taǵy bir jaıt, aımaqta mundaı ózgerister osyǵan deıin de bolypty. Naýryz aıynda Inchýanda arab arhıtektýrasy men qytaı dástúri úılesken kóshege jóndeý jumystary júrgizilgen. Endi jospar boıynsha onyń bári dástúrli qytaı úlgisine ózgertilmek. Bul aýmaq 2016 jyly arab álemi men Qytaı arasyndaǵy jaqsy qarym-qatynastardy kórsetý úshin qurylǵan edi.
Sarapshylardyń aıtýynsha qytaı qoǵamy arabızasııalaý isine, ıaǵnı eldegi keıbir meshitterge jáne ıslammen baılanysty basqa da máselelerge saq bolý kerek. Al mamandar dinge qatty mán berýdiń qajeti joq ekenin aıtady. Degenmen jańa sharalar Qytaı zańyna esh qarsylyq keltirmeıtinin de atap ótti.
О́tken jyldyń shilde aıynda Qytaıda halal taǵamdardy jetkizýshi Meituan qosymshasy jergilikti turǵyndar arasynda qatty synǵa ushyrady. Kompanııa ónimderdiń halal ekenin dáleldeý maqsatynda tapsyrystardy jeke býmalar men konteınerlerde jetkizýge ýáde berdi. Degenmen Islam jolyn ustanbaıtyn tutynýshylar kompanııanyń mundaı áreketin kemsitýshilik retinde qabyldady.
Halal dep Islam dininiń kózqarasyna saı ázirlengen taǵamdardy ataıdy. Musylmandarǵa dońyzdyń, jyrtqysh ańdardyń, t.b. etin jeýge tyıym salynǵan.
