Eki klýb osy joly bir-birimen kezdesti. 33-týr oıyndarynda ushyrasqan «Real» men «Atletık» terezesi teń oıyn kórsetti. Negizi bul matchta koroldik klýbqa jeńis aýadaı qajet tuǵyn. Sebebi, týrnır kestesinde Dıego Sımıone shákirtteri joǵary tur. Al Zıdannyń komandasyna osy oıynda jeńiske jetip, «Atletıkomen» upaı jaǵynan teńesip alý qajet boldy.
Biraq, oıynnyń 14-mınýtynda Inıakı Ýılıams esep ashyp, qonaqtardy alǵa jeteledi. «Santıago Bernabeýge» jınalǵan qalyń kórermen qaqpaǵa qıys baǵyttalǵan doptardy kórip, 2-orynnan úmit úze bastaǵan. Degenmen, mundaı qysyltaıań sátte qumyradan shyqqan jyn sekildi kópshiliktiń tileýin bir soqqymen oryndaı salatyn Krıshtıaný Ronaldý «Realdy» qutqaryp qaldy. 87-mınýtta tarazy basyn teńestirip, alań ıelerine 1 upaı áperdi. Eń bastysy, derbıdegi uıatty jeńilisten saqtady. Aıtpaqshy, Ronaldýdyń bul goly taǵy bir rekordtyń murtyn buzdy. Qazir buǵan qatty tańqalatyn dáneńe de joq. Sebebi, Ronaldý gol soqqan saıyn álem fýtbolynda nemese Ispan la-lıgasynda turaqty túrde bir rekord buzylyatyn bolǵan. Al bul joly portýgal fýtbolshysy óz rekordyn ózi jańarypty. 2014 jylǵy maýsymda ol 12 oıynda 20 gol soqqan eken. Endi KrıRo sońǵy ótkizgen 12 oıynynda 22 gol soǵyp otyr.
«Barselonanyń» chempıon bolatynyna eshkim kúmándanbasa, al ekinshi orynǵa áli de «Realdyń» talasy bar. Kúntizbege kóz júgirtsek «Atletıkonyń» oıyndarynyń kóbisi aýtsaıderlerge qarsy ótpek. Degenmen, La-lıganyń kúmisinen Zınedın Zıdan komandasy úmit úzbeıdi.
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Týrnır kestesi |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
