Qazirgi kúni jergilikti muraǵat qorynda 600 myńǵa jýyq qujat saqtalsa, onyń 2 myńy ǵana elektrondy júıege kóshirilgen. Sebebi, joǵary jyldamdyqtaǵy skanerler men qurylǵylar tapshy bolǵandyqtan, mádenı muralardy sandyq júıege kóshirýdiń múldem qanaǵattanǵysyz kúıde. Ábden tozyǵy jetken ǵımarattar men arhıv qoımalarynyń jaǵdaıy da syn kótermeıdi.
«Rýhanı jańǵyrý» baǵdarlamasy aıasynda birqydyrý sharalar atqarylǵanmen, materıaldyq-tehnıkalyq bazany jaqsartý kúrdeli kúıinde qalyp otyr. Halyq qalaýlylary arnaıy arhıv ǵımaratynyń qajettiligin de atap ótti.
«Oblystyq arhıvtiń qazirgi ǵımaraty 1973-1974 jyldary salynǵan. Búgingi ýaqyt talabyna sáıkes kelmeıdi. Sonyń saldarynan arhıv qujattaryn elektrondy formatqa kóshirýge bilek sybanyp kirise almaı otyrmyz. Arhıv ǵımaratttary joq aýdandar da bar», deıdi Soltústik Qazaqstan memlekettik arhıviniń dırektory Sáýle Málikova.
Jyldamdyqtaǵy skanerler men qurylǵylar alý jóninde tıisti oryndarǵa ótinish jiberilgenimen, 50 mıllıon teńgeniń qashan bólinetini belgisiz. Bar-joǵy 2 skaner ǵana jumys isteıdi. Olar kúnine 1000 dana ǵana betti kóshirýge qaýqarly. Barlyq qujattardy sıfrlandyrý úshin A2, A3 formattaǵy qujattardy óńdeıtin elektrondy mehanıkalyq qurylǵy qajet. Onyń bir jıyntyǵy shamamen 15 mıllıonn teńgeni turady.
О́mir Esqalı.
«Egemen Qazaqstan».
Soltústik Qazaqstan oblysy.
