Ortalyqtar 2 jyl ishinde 10 mıllıonnan astam qyzmet kórsetse, onyń 7 mıllıony elektrondyq nusqada. Sondaı-aq, óńirlik kommýnıkasııalar qyzmetinde ótken brıfıngte oblystyq «Halyqqa qyzmet kórsetý ortalyǵy» departamentiniń dırektory Erkebulan Álseıitov jyl basynan qazirge deıin kórsetilgen 1 mln. 600 myńnan astam qyzmettiń 1 mıllıony elektrondy nusqada bolǵanyn atap ótti. Búginde azamattarǵa kórsetiletin memlekettik qyzmet túrleriniń sany 621-ge jetip otyr. Eki jyl ishinde azamattarǵa avtokólikti qaıta tirkeý boıynsha 202 myńǵa jýyq qyzmet kórsetilip, 70 myńdaı júrgizýshi kýáligi berilgen. Al 2018 jyldyń basynan beri 62 myńnan astam avtokólikti qaıta tirkeý qujaty qabyldansa, 13 myńǵa jýyq júrgizýshi kýáligi tapsyrylǵan. Departament basshysynyń aıtýynsha, «Connection point» (ózine-ózi qyzmet etý sektory) júıesi arqyly eki jyl ishinde 1 mln. 800 myń qyzmet kórsetilipti.
Al proaktıvti qyzmetti (jańa týǵan nárestelerge «sms» arqyly týý týraly kýálik alý) 3 myńnan astam ana qoldanǵan. Eki jyl ishinde oblys boıynsha HQKO mamandary múmkindigi shekteýli azamattardyń úılerine baryp, 10 myńǵa jýyq qyzmet kórsetken.
Erkin DOSYMBAI,
Ońtústik Qazaqstan oblysy
